کرزی وجان کیری طالبان دفتری باره سیده صحبت لشدیلر

امریکا قوشمه ایالت لری نینگ تشقی ایشلر وزیری جان کیری، افغانستان جمهوررییسی حامدکرزی بیلن تیلفونی علاقه قوریب صلح مذاکره لری خصوصیده ایکی دولت اره سیده پیدا بولگن قرشیلیک لرنی کمیتریش اوچون صحبت قیلگن.

افغانستان ریاست جمهورلیک سوزچیسی ایمل فیضی گه کوره، امریکا تشقی ایشلر وزیری، اسلامی امارات لوحه سی و طالبان بیرقی قطرده طالبلر اوچون ایجاد ایتلگن دفتردن آلیب تشله نیش وعده سینی بیرگن.

مذکور تیلفونی علاقه ده جمهوررییس کرزی قندی تکلیف بیلن چیقنی باره سیده اونینگ سوزچیسی ایمل فیضی شوندی دیدی:" جمهوررییس کرزی طالبان نینگ قطرده گی دفتری فعالیتی باره سیده امریکا تمانیدن بیریلگن وعده لر قندی عملی بولیشی مردمگه بیلدیریلیشی ضرور دیگن تکلیف بیلن چیقدی."

باشقه تماندن افغان مقاملری امنیتی پیمان باره سیده امریکا قوشمه ایالت لری بیلن مذاکره لر دوام تارتیشی ممکن لیگیدن خبربیرگن.

حال بوکی اوتگن کون افغانستان دولتی امریکا صلح اوچون بیرگن وعده لرینی عملی قیلمه گنی باعث ، امنیتی پیمان باره سیده گی مذاکره لرنینگ تورتینچی باسقیچی وقتینچه لیک توخته تیلگنینی اعلام قیلگن ایدی.

همده افغانستان حکومتی، مذاکره اوچون قطرگه هیات یوبارمسلیگی بیلن آگاه لنتیرگن ایدی.

قطرده گی طالبان سوزچیلریدن بیری سهیل شاهین، اولر طالبان بیرقی و" اسلامی امارات" لوحه سینی قطرد ینگیدن اچیلگن دفتردن کوتاریلیشینی تصدیق له گن.