تینچلیک کینگاشی: طالبان اوچون بوخیل اداره آچیلیشدن خواطرده میز

افغانستان تینچلیک عالی کینگاشی، طالبان اوچون قطرده بوخیل اداره نينگ آچیلیشی، صلح اوچون آلیب باریله دیگن سعی حرکتلرگه منفی تاثیر قالدریشینی ایتگن.

افغانستان تينچليك عالی کینگشي رییسی صلاح الدین ربانی قطرده آچیلگن نماينده ليك، صلح سلبي تاثیر قویمه یشنی اورغولب، اوشبو مسله جریان نی باشقه تمان آلیب کیتیشيدن خواطر اظهارایتگن.

تينچليك كينگشي شونینگ دیک، مذکور اداره فقط مذاکره لر مقصدی اساسيده آچیلگن بولسه، کینگش طالبان بیلن مذاکره لرگه باریشگه تیارایکنینی معلوم قیلگن.

افغانستان تینچلیک عالي کینگشی طالبان اوچون قطرده اداره آچیلیشی صلح اوچون ایمس، بلکه صلح جریانیني برهم اوریش ايكنيني تاکیدله ماقده. اوشبو کینگش رییسی صلاح الدین ربانی بوگون کابلده یولگه قوییلگن بیریغینده، اولر صلح جریانینی باشقه تمان کیتیشدن خواطرده ایکنليكلرینی تاکیدله دی.

باشقه تماندن ربانی جنابلری، مذكور اداره يالغيز مذاکره لر اوچون آچیلگنده، عالی تینچلیک کینگشی مذاکره لر قيليش اوچون ايجابي آدملر كوته ريشي ممكنليگي ني ايتدي.

رباني جنابلري شونینگدیک، صلح اوچون بوله دیگن هرقنده ی سعی حرکت لرده، افغانستان حکومتی گه حصه بيريلمه گن تقديرده، اوشبو حركتلر ايجابي نتيجه لر ايريشمسليگي ممكنليگي باره سيده آگاه لنتيردي.

تينچليك عالي كينگشي نينگ دارالانشا اداره سي رییسی معصوم استانکزی، طالبان نینگ قطرده گی اداره سي باره سیده افغانستان حکومتی نینگ مناسبتی اوزگرمه گنینی تاكيدله دی.

قطرده طالبان نماينده ليگي، اسلامی امارات اسمي بیلن آچیلیب، طالبان بیراغي کوته ریلگني، قطار تنقید لرگه سبب بولدی و افغانستان حکومتی بونگه جدی مناسبت بیلدریب، قطرده بولیب اوته ديگن مذاکره لرده اشتراک ایتمسلیگینی اعلان قیلدی.

شونده ی قرشیلیکلرباعث، طالبان نینگ قطرده گی دفتریدن امارات اسلامی لوحه سی و بیراغی پسگه توشيريلدي، اما کورنیشچه، اوشبوحرکت لرهم افغان حکومتی نینگ قانیقتیرمه گن. افغانستان تینچلیک عالي کینگشی صلح جریانی رهبرليگي، افغانلر تمانیدن باشقريليشي ني تاكيدله ماقده.