قندوز ده كميده اوتيز قوراللي طالب اوليب يره لنگن

قندوزولایتی قلعه زال تومنیده طالبان ومحلی پولیس کوچلری اورته سيده روی بیرگن توقنه شووده، کمیده 18 طالب هلاک بولگن و اون بيرته سي ايسه، تن جراحتي آلگن.

قندوز امنيه قوماندانليگي سوزچیسی سید سرورحسینی نينگ بی بی سی گه ايتيشيچه، مذکور توقنه شووده محلی پولیس کوچلردن هم ایکی نفر هلاک بوليب، بيرته سي يره لنگن. حسینی جنابلری نینگ معلوم قیلشیچه، طالبان گروهي بیرینچی ده قندوز شهریده جایلشگن توبره کش منطقه سيده هجوم اویشتیریب، آرتكه چيكينگندن سونگ، قلعه زال تومنی نینگ ظلم آباد منطقه سیده گی پولیس قرار گاهیگه هجوم قیلگن.

پولیس سوزچی سیگه کوره، اوشبو هجوم اون ايكي ساعت دوام ايتيب، نتيجه سيده قوراللي طالبان نينگ بيرمقدار قورال اسلحه لري خوفسيزليك كوچلري نينگ قوليگه توشگن.

عين حالده، قندوز محل مسووللري، هلاك ايتيلگن طالبلردن اون بيرته سی نینگ جسدلری توقنه شوو محليده قاليب، ايچيده بير قوماندان و بير چيت ايليك طالب ني بارليگي ني معلوم قيلگنلر. ليكن جنگري طالبان مذكور واقعه باره سيده هنوز گچه فكر بيلديرگني چه يوق.

باشقه بير خبرگه قره گنده، اوتگن كون كنر ولايتيده اوچووچيسي بولمه گن اوچاق نينگ هوا دن اويوشتيرگن هجومي ده، طالبان تمانيدن نورستان اوچون تعيين لنگن حاكمي شيخ دوست محمد هلاك بولگن. اوشبو عملیات اوتکن کون غازی آباد منطقه سیده یولگه قوییلگني ايتيله دي،بيراق طالبان گروهی بو باره ده حاضرگچه بیرار بیر مناسبت بیلدیريشمه گن.