دولت اداره لریده عیاللر اورينيني آشيريش آتی بیلن ینگی ریجه باشلندی

مستقل اصلاحات اداری کمیسیونی دولت اداره لريده عیاللرگه کوپراق حصه بیریش مقصدی بیلن ینگی بیر ریجه نی عملی قیلیشینی قول اوستیگه آلگن.

بو ریجه لایحه سیده " عیاللر اورنینی نا دولت اداره لريده کوپیتریش" اوچون برچه ولایتلر وکیللری نينگ فکري اورگه نیلگن.

مذکور ریجه بیرینچیدن بلخ و کابل ولایتلریده عملگه آشریلیشی کوزلنگن. ایریملر، بو لایحه عیاللراورنینی دولت اداره لريده آشيريش اوچون یخشی زمینه یره تیلشیدن امیدوارلیک بیلدیرگنلر.

عیاللر اورينینی ملکی اداره لرده کوپیتيریش مقصدی بیلن اوتکزیلگن يیغینده، اولرنينگ فعالیتی باره سیده تیارلنگن اون بیش دقیقه لیک فلم کورسه تیلدی.

مذکور ویدو تسمه ده عیاللر قینچیک لرنی قبول قیلیب، حیات اوچون قنده ی محنت چیکه یاتگنلری عکس ایتیريلگن ایدی.

همده عیاللر ایرکک لردن کم ایمس، دولت اداره لريده کوپراق اورین بیریلیشی کیره ک دیگن مسله هم اوشبو فلم ده کیريتیلگن ایدی.

مستقل اصلاحات کمیسیوني نینگ جندر بویيچه مسوولی خانم نایله ناصری نادولت اداره لريده عیاللر اورينینی کوپیتریش عنوانی آستیده ینگی بیر ریجه قول اوسیتگه آلگنینی تاکیدله دی.

اونگه کوره مذکور ریجه بیرینچیدن سيناو شکليده بلخ ده باشلنگن یقین زمانده ايسه، کابلده هم باشله نیشی کوتیله دی:"عیاللر ترماغی نینگ ایجاد ایتلیشدن ایکی مقصد کوزلنگن بیرینچیدن عیاللراورنینی ملکی اداره لرده کوپیتریش شونینگدیک دولتی اداره لرده رهبرلیک لوازمیده بولگن عیاللر سانینی کوپیتریش دیر.بو ترماغ بلخ ولایتیده رسما باشلندی. اوشبو ولایتده ایککینچی او چینچی بستلرده ایشله دیگن 54 عیال موجود ایکن. شو اوچون ترماغ موفقیت لی بیلن ایشگه باشله دی دیدی خانم ناصری."

اداری اصلاحات کمیسیوني نینگ ملکی خذمتلر اداره باشلیغی احمد مسعود توخی ملکی اداره لرده عیاللراورنینی کوپیتریش اوچون افغانستان حکومتی جدی وعده بیرگنینی اورغولب، بوباره ده شونده ی دیدی:"عیاللر ترماغی نینگ ایجاد ایتلیشدن اساسی مقصد ملکی خذمتلرده دولتی اداره لرده رهبر عیاللرنی انیق لش دیر، افغانستان حکومتی ملکی اداره لرده عیاللر گه کوپراق اورین بیریش اوچون زمنیه لر یره تیلیشینی سوزبیرگن، دیدی توخی جنابلری."

هرچند اوتگن اون ییل جریانیده ملکی اداره لرده عیاللر نینگ فعال حصه سي کوپه ي یاتگنینی آلقیشلر بیلن بیرگه بولگن، بیراق امنیتی بولیم لرده عیاللر سانی جوده آز ایکنی ایتيلماقده. اما شونده ی بولسه هم، افغانستان نینگ ملکی اداره لریده هم عیاللر رهبرلیک لوازملريده بولمه گنی همده دولت اداره لريده عیاللر سانی آز بولگنی، جدی تنقید لرنی توغدیرگن.

عیاللر اورنینی ملکي اداره لرده کوپیتریش اوچون سعی حرکتلر یولگه قوییلرایکن، بیراق دولت اداره لریده گی ایشچیلردن نیچه فایزی عیاللر بولگن بولمه گني معلوم ایمس.