"ایرانده اون ایکی افغان اعدام ایتیلگن"

افغانستان نینگ ایرانده گی ایلچیخانه سی تمانیدن نشرایتیلگن خبرنامه ده، 12 افغان وطنداشی مخدر ماده لرني قاچاق قيلگنليكده عیبله نیب ایران حکومتی تمانیدن اعدام ایتیلگنی خبرقیلینگن.

اما خبرنامه ده بو شخصلر قچان اعدام ایتیلگنی انیق لنمه گن، ليكن بوکیشیلر سونگی پیت اعدام بولگنی ايتيله دي.

خبرنامه ده یازیلیشیچه، اعدام بولگن شخصلردن یيتی ته سی هراتلیک و اوچ کیشی سی تخارلیک بولگن، قالگنلري ايسه لغمان و نیمروز ولایت لریدن بولگنی ایتیلگن.

اولر، ایران نینگ کرج، اراک واصفهان قماقخانه لریده اعدام ایتیلگنی معلوم قیلینگن.

افغانستان نینگ تهرانده گی ایلچیخانه سی اعدام ایتیش حاللری دوام ایتیب کیله یاتگنینی اورغولب، باشقه یوزلب شخص مخدر ماده قاچاقیده عیبله نیب اوليم جزاسیگه محکوم بولگنیدن افسوس بیلدیرگن.

افغانستان دولتی، نیچه بار اعدام حکم لر جرياني بيكاري قيلينيشي يا هم كيچيكتيريليشي نی ایران حکومتیدن طلب قیلگن ایدی.

اوتگن ييل جدي آييده افغانستان تشقي ايشلروزيرليگي ايران تشقي ايشلروزيري بيلن اوچره شیب، ايران عالي محكمه سي دن ايرانده گي افغان فقرالري اعدام ايتيليشي حكمي عملده جاري قيلينيشي جرياني كيچيكتيريليشي ني سوره گني ني اعلان قيلدي.

اما افغانستان نينگ ايرانده گي ايلچيخانه سي تمانيدن نشر ايتيلگن خبرنامه ده، ايران رسميلري ايران وباشقه مملكت فقرالريگه مخدرماده لرني قاچاق قيلگنليكده عيبلنگنلرگه اعدام حكمي جاري قيليشگه قرار قبول قيلگني قيد ايتيلگن. افغانستان ايلچيخانه سي نينگ خبرنامه سيده، شونينگ ديك، ايران ده كميده بيش مينگ افغان فقراسي قماق جزاسيني اوته ياتگني واولردن يوزلب نفري مخدرماده لرقاچاقي ده عيبلنيب، اوليم جزاسيگه حكم قيلينگني ايتيلگن.

بو ييل ايرانده مخدرماده لرني قاچاق قيلگن ليكده عيبلنيب، اعدام قيلينگن بيش نفر افغانستان فقراسي نينگ جسدي، تخار ولايتي نينگ كلفگان تومنيگه آليب كيلينيب، دفن قيليندي.

اوشبو شخصلرنينگ عايله اعضالريدن بيرقطاري نينگ بي بي سي گه ايتيشيچه، اوتگن آلتي آي جريانيده كلفگان منطقه سي اهاليسي دن كميده 80 كيشي ايران ده اعدام قيلينگن.

اولر گه كوره، اعدام ايتيلگن لردن 50 ته سي نينگ جسدي منطقه گه ييتكزيلگن و قالگنلرنينگ جسدلري ايران موزخانه لريده سقلنماقده.

كلفگان قيشلاق اهاليسي نينگ ايتيشيچهف حاضر كميده 700 نفر يقينلري ايران ده قماق جزاسي ني اوته ماقده و اولردن 350 ته سي اعدام ايتيلگن.