طالبان نینگ قطرده گی دفتری وقیتنچه لیک یاپیلدی

افغانستان عالی تینچلیک کینگاشی طالبان نینگ قطرده گی دفتری وقیتینچه لیک یاپیلگنیدن تاسف بیلدیردی. معلومات لرگه کوره طالبان دفتری سه شنبه کونی وقتینچه لیک یاپیلگن، اما طالبان کیللری قطرنی ترک ایتمه گنی ایتیله دی.

طالبان بیلن مذاکره لر باشله نیشی اوچون قطرده اوشبو گروه نینگ دفتری آچلیشی خوش قرشی لندی.شو اوچون طالبان بیلن یقین زمانده مذاکره لر باشله نیشی خصوصیده خوشبینلیک لر بیلدیریلب انچه شاوشاولر بیلن بیرگه بولدی، لیکن حاضر ایسه طالبان نینگ قطرده گی دفتری وقیتینچه لیک یاپیلگنی خبرقیلینماقده.

افغانستان عالی تینچلیک کینگاشی هم طالبان دفتر نینگ وقتینچلیک یاپیلگنی باره سیده خبر بولگنینی ایتیب بو وضعیت دن افسوس بیلدیردی، اوشبو کینگاش اورین باسری عطا الله لودین بی بی سی بیلن بولگن صحبتیده بوحقده شوندی دیدی:"طالبان دفتری نینگ وقتیینچه لیک یاپیلگنیدن افغانستان عالی تینچلیک کینگاش افسوس بیلدیره دی. بو دفتر نینگ یاپیلمسلیگی کیره ک ایدی. چونکی جاری وضعیت گه برهم بیریش و طالبان بیلن مذاکره لرگه باریشی اوچون بیر ایشک اچیلگن ایدی. اوز حالتیگه قالیشی ممکن ایدی. دیدی لودین جنابلری."شونینگ دیک لودین جنابلری طالبان نینگ قطرده گی دفتری وقتینچه لیک یاپیلیشگه اساسی عامل نیمه بولگن دیگن سوراققه شوندی جواب بیردی:"دفترنینگ یاپلیشی گه ایککی اوچ عامل بولیشی ممکن طالبان اسلامی امارات لوحه سی قطردفتریدن توشیریلگنی عامل دیب توشنیشی ممکن .اما باشقه عامللر هم بار طالبان اره سیده بوتوغریده بیرخیل فکر بولمه گنی ایتله دی باشقه تماندن مده گوانتانامو قماقخانه سیده گی محبوسلرباره سیده هم مذاکره لر بارلیگی ایتیلگن ایدی. صحبت لرجریانیده قندی دیر ناراضیلیک پیدا بولگن بولیشی ممکن. هرحالده بیز بو دفتر قیته اچیلیشگه امیدوارمیز."

امریکالیک کونده لیک لر امریکا رسمی لری و قطرده گی دیپلمات لر تمانیدن بیلدیریلگن فکر لر اساسیده ، طالبان نینگ قطرده گی دفتری وقتینچه لیک یاپیلگنینی خبربیرگن.

طالبان سوزچیلری و دیپلماتیک منبع لرگه ماس تیارلگن حسابات لرده طالبا نینگ قطرده گی دفتری سه شنبه کونی وقتینچه لیک یاپیلگنی معلوم قیلینگن.

طالبان مقاملریدن بیری، اسوشیتید خبرآژانسیگه ایتیشیچه طالبان وکیللری قطرنی ترک ایتمه گن، اما لوحه وطالبان بیراقی دفتردن توشریلگنی سبب بوندن بویان مذکور دفتر دن فایده له نیلمسلیککه قرار قبول قیلینگن.

قطرده طالبان دفتری آچیلگن پیتی اسلامی امارات لوحه سی و طالبان بیراقی کوتاریلیشی جدی ضدیت لرنی توغدیردی.

شوباعث افغانستان جمهورریسی حامدکرزی، افغانستان و امریکا آره سیده امینیتی پیمان اوچون بولیب اوتیشی کوتیله یاتگن مذاکره لرنینگ تورتینچی باسقیچینی هم وقتینچه لیک توختدی.