عیاللر وضعیتی باره سیده گی بیرینچی حسابات بیرلشگن ملتلرتشکیلاتیگه تاپشریلدی

افغانستان حکومتی نینگ بیر هیاتی عیاللر حقلری بویچه حساباتینی سویس نینگ ژنو شهریده قرارتاپگن عیاللرگه قرشی تبعیض نی برطرف ایتیش کمیته سیگه تاپشیردی.

افغانستان انسان حقلرینی سقلش مستقل کمیسیونی هم عیاللر وضعیتی باره سیده گی فکرینی اوشبو کمیته گه تاپشیرگن.

افغانستان هیاتی تمانیدن حسابات تقدیم ایتیلمسدن آلدین انسان حقلرینی سقلش تشکیلاتی بیر خبرنامه نشر ایتدی، خبرنامه ده یازیلیشیچه" افغانستانده عیاللرگه قرشی زوروانلیک لر عادی بیر حالت گه ایلنگن و شوندی عمللرگه قول اوره یاتگن شخصلرنینگ اکثریتی جزالنمیدی."همده اوشبو تشکیلات گه کوره افغان قیزلریدن قریب یریمی مکتب باریشگه قادر ایمس لر.

افغانستان 187 مملکت لردن بیری بولیب عیاللرگه قرشی تبعیض نی برطرف ایتیش کنوانسیون نی امضاله گن، شو اوچون مذکور کیمته نینگ ایش بیلرمانلریدن 23 کیشی سی منظم شکلده بو کنوانسیوننی قندی عملی بولیشی خصوصیده گزارش بیریشگه مسوول.

کمتیه تمانیدن افغانستان اوتمیشی باره سیده آلیب باریلگن تیکشروو نتیجه سی جاری میلادی ییل جولای آی نینگ 26 – سیده بیرلشگن ملتلر تشکیلاتی تمانیدن ترقه تیلیشی کوتیله دی.

عیاللرگه قرشی زوروانلیک لر آلدینی آلیش قانونی خصوصیده قرشی لیک لر

جاری ییل می آیده افغانستان پارلمانی عیاللرگه قرشی زوروانلیک لر الدینی آلیش قانون لایحه سی نی تصدیق قیلیشگه قادر بولمه دی.

بوقانون ملت وکیللری آره سیده پیدا بولگن قرمه قرشیلیک لر سبب تصدیق لنمه دی. ایریم ملت وکیللری مذکور قانون لایحه سینی شریعت حکملریگه قرشی بولگنینی ایتدیلر.

قانون لایحه سی تصدیق لنمه گنی اوچون قطار قرشی لیک لر بیلن هم بیرگه بولدی، عیاللر حقلریدن مدافعه ایتوچی تشکیلات لر مذکور قانون لایحه سیدن حمایت بیلدیردی.

عیاللرگه قرشی زوروانلیک لرنی برطرف ایتیش کنوانسیونی میلادی 1979 –ییل بیرلشگن ملتلر تشکیلاتی تمانیدن تصدیق لندی 1981 ییل سپتامبر آیی نینگ اوچینچیسیده عملده جاری ایتیلدی. افغانستان 1980 ییلی بو کنوانسیون نی امضا له دی