فاریابده یوزبیرگن توقنه شوو ده 3 محلی پلیس قربان بولگن

فاریاب رسمیلریگه کوره طالبان گروهی نینگ هجومی عاقبتیده مذکور ولایت نینگ گرزیوان تومنیده گی محلی پولیس عسکرلریدن تورته سی هلاک بولیب وباشقه اوچته سی هم تن جراحتی کوتارگن.

گرزیوان تومنی نینگ حاکمی عبدالرزاق کاکر نینگ ایتیشیچه بیرگروه طالبلر کونی کیچه گرزیوان تومنی نینگ کیکک منطقه سیده محلی پولیس پوسته لریدن بیریده هجوم قیلیب بوپوسته قوماندانی نی یره لنتیرگن.

محلی پلیس کوچلری قومانداننی کسلخانه گه آلیب کیته یاتگن بیرپیت طالبان پستیرمه سیگه دوچ کیلگن.

کاکر جنابلریگه کوره یوزبیرگن توقنه شوولرده اوچ پولیس هلاک وباشقه اوچته سی هم تن جراحتی کوتارگن . حاکم معلوماتیگه قره گنده طالبان گروهی تومن اوستیده هجوم اویشتیریش نتیده بولیب لیکن امنیتی کوچلر آرقلی منطقه دن چیقاریلگنلر. گرزیوان حاکمی بوهجوم تومن مرکزی نینگ بیرکیلومترلیگیده بولگنینی ایتیب وبوتومن ده بولگن 60کیشی لیک امنیتی کوچلر خوفسیزلیک نی توله تامین لش اوچو ییترلی بولمه گنیدن خواطربیلدیردی.

انه شوحالده طالبان گروهی نینگ سوزچیسی قاری یوسف احمدی رسانه لربیلن بولگن صحبتیده مذکور هجومده پلیس کوچلریگه اغیر تلفات یتکیزیلگنینی ادعا قیلگن.

گرزیوان تومنی میمنه شهریدن 96کیلومتراوزاقلیکده جایلشگن بولیب وقورالی گروه لربوتومن ده انده – سنده بوکبی هجوم لرنی ایوشتیریب کیلماقده لر.