"سوريه گه جهاد قيليشگه بارگن طالبلر آره سيده اوزبيكلر هم بار"

Image caption پاكستان طالباني وكيلي نينگ بي بي سيگه ايتيشيچه، بير گروه "جهادچيلر" سوريه گه جونه تيلگن.

پاكستان طالباني وكيلي نينگ بي بي سيگه ايتيشيچه، بير گروه "جهادچيلر" سوريه گه جونه تيلگن. خبرلرگه كوره، گروه تركيبيده افغانستانگه 2001 ييلده بارگن عرب، اوزبيك، چيچين ملتيگه منسوب جنگريلر بار. طالبان منبع سي نينگ بيلديريشيچه، كميده 12 طالب آخرگي ايكي آي مابينيده "جهاد احتياجي" ده " سوريه بعضه سي" ني توزيش اوچون تيارگرليك آليب بارماقده. طالبان نينگ بي بي سيگه ايتگن سوزلريگه قره گنده، جنگريلر سوريه ده گي جنگلرده قتنه شيشگه قطعي كيريشيشگن. "ييگيتلر ايلگلري افغانستانده گي جنگلرده قتنشگن سوريه ليك برادرلر بيلن بيرگه سوريه ده جهاد قيليش امكانيتلريني اورگنه دي و جهاد عملياتيني ايشلب چيقه دي"، ديب ايتگن طالبان رهبرلريدن محمد امين بي بي سي مخبريگه. اونگه كوره، جنگريلر سوريه ده ايكستيريميست ني تشكيل قيلووچي سني مسلمانلر بشار اسد حكومتي نينگ شيعه لر باشليق آزچيليك تمانيدن ايزيله ياتگني و اولديريله ياتگنيگه قرشي كوره ش ني مقصد قيلگن. "سوريه ده رسمي روشده اداره آچيش ريجه ده يوق. آدملريميز فقط بشار اسد كوچلريگه قرشي كوره شه دي. دستلب اساسآ دله اوروشلريده تجربه سي كته تيارلاوچيلر او ييرده ييغيليشه دي"، دييدي محمد امين. طالبان وكيلي شونينگديك، "اونلب پاكستانليك طالبلر سوريه اردوسيگه قرشي كوره شگه شي بوليب نوبتده توريبدي. ليكن حاضر سوريه ده ييرلي درجه ده كوچلريميز بار"، ديب ايتگن.

اوتميشده پاكستان ده گي خارجي جنگريلر مركزي آسيا و بالقان دولتلريده فعاليت آليب باريشگن. 1990 ييللرده مجاهدلرنينگ جنگري گروهي بوسنيا ده گي فقراليك اوروشده قتنشگني معلوم. شونينگديك، افغان و پاكستانده گي جنگريلر 19854 _94 ييللرده تاغلي قره باغ ماجراسيده آذربايجان تمانيده توريب جنگ قيليشگني ايتيله دي. مذهبلر اورته سيده گي كوره شگه مايل طالبان نينگ قطار گروه لري سوريه اهالي نينگ تورتدن اوچ قسميني تشكيل قيلووچي سني لرنينگ شعيه _ سلفي لر تمانيدن باشقريليشيني قبول قيله آلمه يدي. معلوماتلرگه كوره، پاكستان ده گي اكسيل شيعه گروه لري شيعه مسلمانلريني اوزي نينگ معماسي ديب بيله ديگن يقين شرقده گي سني دولتلرنينگ خيريه تشكيلاتلريدن كومك هم آليب توره دي. 2014 ييلده امريكا حربي كوچلريني افغانستان دن آليب چيقيشي كوتيلر ايكن، پاكستانده گي طالبان جنگريلر امكان باريچه عموم جهادي حركت نينگ باشقه نقطه لريگه كوچيب اوتيشگه حركت ني باشله گنلر. بونده ي پيتده سوريه ده گي وضعيت بشار اسد حكومتيگه قرشي كوچلرگه رغبتي بولگن طالبلرني اوزيگه چارلشي شبهه سيز. شو بيلن بيرگه، امريكا نينگ تينيمسيز دران هجوملري و بونگه قوشيمچه پاكستان اردوسي عملياتلري خارجي جنگريلر حالتيگه سيزيلرلي زيان ييتكزگن همده اولرنينگ جايلرده قرشي هجوم قيليشلريني كمه ي تيرگن.