"اهالی سانینی اورگه نیش قانونی تصدیق لندی"

یتتی فصل و 39 بند دن عبارت بولگن اهالی سانینی اورگه نیش قانونی الکترونیکی کیم لیککه قوم لر آتی کیرتیلمسلیگی قبول قیلینیب اکثریت اواز بیلن تصدیق لنگنی اعلان قیلیندی.

اهالی سانینی اورگه نیش قانون لایحه سی نیچه بار اولوسی جرگه نینگ عمومی یغینده بحث گه آلینیب جدی ضدیت لربیلن بیرگه بولدی. بوکونکی جلسه ده مذکور قانون لایحه سی ینه ده قرشی لیک لرنی توغدیردی. اولوسی جرگه نینگ اداری هیاتی جنجللرگه سبب بند اوستیگه بحث بولمی قوشمه کمیسیون لر تمانیدن کیلتیریلگن بندلر گه ایشانچ یا رد آواز بیریلیشینی اعلام قیلدی بو مسله ایسه اساسی تنقید لرگه سبب بولدی.

اما شوندی بولسه هم عمومی جلسه ده حضور تاپگن 130 ملت وکیل نینگ اکثریتی ایشانچ اواز بیریب، الکترونیکی تذکره ده قوم لرآتی کیترتیلمسلیگینی تصدیق له دیلر.

ایریم ملت وکیللری آره سیده لفظی تارتیشماوچیلیک لر یوزگه چیقیب شوباعث بیرقنچه ملت وکیللر عمومی جلسه نی ترک ایتدیلر. اعتراض بیلن چیققن ملت وکیللریدن داکتر عنایت الله بابرفرهمند، اولوسی جرگه نینگ بوکونگی جلسه سینی غیر قانونی بیلیب، بوحقده شوندی فکر بیلدیردی:" آواز بیریش جریانی باشلنمی قریب یللیک وکیل جلسه نی ترک ایتدیک شو اوچون رای بیریش اوچون نصاب پوره ایمس ایدی. اما قانون لایحه سی اکثریت آواز بیلن تصدیق لندی دیب اعلان قیلیندی. بیز آرشیف گه مراجعه قیله میز قانون لایحه سی تصدیق لنمه گن."

الکترونیکی کیم لیککه قوم لر آتی کیلتریلیشی وکیلتریلمسلیگی جدی ضدیت لرگه سبب بولگنی باعث بومسله پارلمان نینگ قوشمه کمیسیونیده بحث بولیب قرار چیقاریلشی قید ایتیلگن ایدی.مذکور کمیسیون قراری عبدالقیوم سجادی تمانیدن آچیقلندی:"قوملر آتی ذکر ایتیلمه گن حالده، تذکره ده فقط "افغانستان اسلامی جمهوری دولتی " عنوان صفتیده قیدایتیلسن، قوملر آتی و آنه تیلی تذکره ده موجود بولگن الکترونیکی چیپ ده جایلشتریلیشی قبول قیلینگن. بونی قبول قیلمی مذکور بندنی اوزگرتیرماقچی بولگن ملت وکیللری بولسه وکیللرنینگ اوچدن بیرقسمی نینگ امضاسینی آلیشی کیره ک ."

شو اساسده الکترونیکی تذکره ده، قوملر آتی یازیلمی فقط افغانستان اسلامی جمهوری دولتی یازیلیشی معقول لندی دیب اعلان قیلیندی.

الکترونیکی کیم لیککه، قوملر آتی کیرتیلمه گنی نه فقط پارلمان بلکه افغانستان نینگ قطار شمالی ولایت لرده هم ناراضلیک لرگه سبب بولگن ایدی. بیرنیچه آی جریانیده پارلمانده کیم لیک حجت قنده ی بولیب چیقیش مساله سی تصویب ایتیلیشی جنجاللی مساله لردن بیری ایدی، بوایسه الکترونیکی تذکره نی ترقه تیشی نی هم آرتگه توشیریب قوییگن ایدی.بو قانون تصدیق له نیشی بیلن الکترونیکی تذکرهلر ترقه تیلیب مذکور تذکره لر دن کیله جک سیلاولرده فایده له نیش زمینه سی یره تیله دی.