افغان ترجمانی، امریکالیک لرنی وردک ولایتی ده قتل وقیناوگه مسوول دیب ایته دی

بوندن ایکی آی آلدین افغان رسمی لری تمانیدن میدان وردک ولایتی ده قتل وقیناوعیبلاولری بیلن توتقونگه آلینگن، ذکریا قندهاری گه کوره، امریکا مسووللری بویروغی بیلن بوایش لرنی عملگه آشیرگن.

افغان رسمی لری تمانیدن بی بی سی گه ییتیب کیلگن دستلبکی اوتکزیلگن تیکشیرولر نتیجه سیده اوعادی ترجمان بولیب هیچ کیم نی قتل وقیناو ایتمه گنی معلوم قیلگن.

اوشبو گزارش ده کیلیشیچه، ذکریا قندهاری گه کوره "مین بیر عادی ترجمان من و حربی قرارگاه وتحقیق اتاقیده باریب کیلیشگه رخصت بیریلمسدی."

قندهاری جنابلری نینگ معلوم قیلیشیچه اوعیبداربیرکیشی نی کلتکله گن. کیین امریکالیک کوچلرگه تاپشیرگن وآزمدت اوتیشی بیلن اونینگ جسدی نی کورگن.

قندهاری جنابلری گه کوره، باشقه اوچ کیشی ترجمان نی هم شونده ی وضعیت گه اوچره تگن.

ذکریا قندهاری، امریکا حربی لری بیلن قریب 12ییل ترجمان لیک قیلگن.

قندهاری جنابلری گه کوره وردک ولایتی نینگ حادثه سیده سه امریکالیک نی قولی بولگن.

بی بی سی گه ییتیب کیلگن معلومات گه کوره، قیناوجریانیدن یازیب آلینگن سی دی افغان رسمی لری گه ییتکزیلگن.

جاری میلادی ییل نینگ باشیده میدان وردک ولایتی ده سید محمد ناملی عادی اهالی جسدی امریکا حربی لری نینگ قرارگاهی یقنیده تاپیلگن ایدی.

ذکریا قندهاری، عیبلاوقوییلگن بیر کیشی نی کلتکله گنی نی قبول قیلگن وکیین امریکا لیک لرگه تعلقلی قرارگاه گه تاپشیرگن، بیراق اوعیبدارشخص نی قتل ایتگنی نی رد ایتگن.

امریکالیک مخصوص کوچلرنینگ یمان معامله لری باره سیده خبرچیققن لیگی اهالی نینگ جدی مناسبت لری گه سبب بولگن ایدی.

وردک ولایتی ده امریکا لیک مخصوص حربی لر آرقه لی قیناولرخصوصیده گی خبرلرچیققن دن کیین افغانستان جمهور رئیسی حامد کرزی اوتگن فبروری آیی ده بو ولایت دن چیقیش بویروغینی بیردی.

کرزی جنابلری نینگ بو دستوری کابل بیلن واشنتگن آره سیده گی علاقه لرنی ترنگلشتیریب یوباردی، نهایتده امریکا مخصوص حربی لری وردک ولایتی دن چیقدیلر.

کرزی جنابلری بویروغی آرتیدن، کابل غربیده میدان وردک ولایتی نینگ یوزلب تینچ فقرا سی توپله نیب بو ولایت دن امریکا مخصوص حربی لری چیقیش اعتراضی نی بیلدیرگن ایدیلر.

اعتراضچی لر26حوت شنبه کونی وردک ولایتی دن کابل گه کیلیب وملی کینگاش قاشیده توپله نیب وامریکالیک مخصوص کوچلرنینگ میدان وردک ولایتی دن چیقیشی اوچون کرزی جنابلری بویروغی دن اوز آرقه داشلیک لرینی اعلان ایتدیلر.

امریکالیک رسمی لر وردک ولایتی ده گی عادی اهالی اولدیریلیشی باره سیده قوللری بولمه گنی نی ایتگن لر.

رویترز خبرگزارلیگی گه ناتونینگ بیر سوزچیسی، آلیب باریلگن تیکشیرولری افغانستان دولتی نینگ ادعا لرینی اثبات ایته دیگن کوزگه کورینرلی حجت لرنینگ تاپیلمه گنی نی معلوم قیلگن. بیراق بو تشکیلات بوخصوصده افغانستان دولتی بیلن اوز همکارلیگی نی سوزبیرگن.