هراتده کرزی نینگ ملی امنیت مصلحت چی سی اوکه سی اولدیریلدی

هرات پلیس سوزچیسی کرزی نینگ ملی امنیت مصلحتچیسی رنگین دادفر اسپنتا نینگ ایناغه سی ترور ایتیلگنینی تصدیق له گن،اسپنتا اوکه سی ولی احمد خان موترسایکل گه مینیلگن بیر قوراللی تمانیدن نشانگه آلینگن.

هرات ولایتی نینگ پلیس سوچیسی عبدالروف احمدی گه کوره، ولی احمد خان کرخ تومنیده گی حماملردن بیریدن چیقه یاتگن بیرپیت نشانگه آلینگن.

شونینگ دیک احمدی جنابلری نینگ ایتیشیچه اسپنتا ایناغه سی کرخ ده قاره لاوچی صفتیده وظیفه آلیب باررایکن.

پلیس سوزچیسی محلده بولگن ایریم شخص لر توتقینگه آلنیب اولر اوستیدن تحقیقات اوتکزیله یاتگنینی معلوم قیلگن.

همده محلی مقاملر ملی امنیت مصلحتچی سی ایناغه سی کیم تمانیدن نیگه نشانگه آلینگنی معلوم ایمس لیگینی اورغوله گن.

طالبان عصیانچیلری مطبوعات فعاللریگه پیام یوللب حادثه مسوولیتینی اوز بوینیگه آلگن.

ولی احمد خان قریب اون ییلدن بیری قاره لاوچی اداره سیده وظیفه آلیب باررایکن.