قندوز ولایتی ده طالبلر نینگ هجومی عاقبتیده تورت پولیس اولیب و یره لنگن

بوگون ایرته لب ساعت آلتی اطرافیده موتر سایکل ده بولگن طالب لر قندوز شهری نینگ اوچینچی امنیتی حوزه سیگه تیگیشلی سرآسیاب دیب اتلگن منطقه ده گی پولیس قرارگاهیگه هجوم قیلگن لر.

قوراللی طالب لرتمانیدن عملگه آشیریلگن مذکورهجوم عاقبتیده، کمیده مذکور قرارگاه قوماندانی داخل ایکی پولیس هلاک وینه ایکی پلیس هم جراحت لنگن..

قندوزولایتی نینگ پولیس سوزچی سی سید سرور حسینی بی بی سی بیلن بولگن. صحبتیده طالبان کوچلری محلدن قاچیشگه مؤفق بولگنی نی اورغولب اولر ایسه قندوز شهرنینگ گل تپه ناملی منطقه سیدن بوییرگه کیلیب هجوم قیلگنی نی بیلدیرگن.

عین حالده یوزبیرگن بوحادثه ده هجومچی لرتلفاتی باریوق لیگی حقیده طالبان گروهی تمانیدن هیچ قنده ی مناسبت بیلدیریلمه گن.

شونینگ دیک بیرکون آلدین کیچ قرونده قندوزولایتی نینگ امام صاحب تومنی ده هم روی بیرگن پارتلش عاقبتیده تورت کیشی یره لنگن ایدی..

حسینی جنابلری ضرر کورگن لرنینگ اوچ کیشی سی پولیس خادم لری بولگنی نی تصدیق لب وینه بیرینی تینچ فقرا ایکنی نی معلوم قیلگن.

ایتیلیشیچه مملکت شمال شرقیده قرارتاپگن قندوز ولایتی سونگی نیچه کون مابینیده بیرقطار ناقرار لیک لرگه گواه بولیب کیلماقده، رسمیلرگه کوره بوناقرار لیک لرگه طالبان لرگروهی مسوول بولیب کیلماقده.

باشقه تماندن طالبان گروهی ایسه رمضان مبارک آییده اوز عملیات لرینی توخته تیب قویمسلیک لرینی ایتیب بلکه، بو آیده تیزلشتیریشی باره سیده آگاه لنتیرگن ایدی، شوسبب مبارک رمضان آیی جریانیده اولرنینگ عصیانگرچیلیک عمل لری هم آرتیب باریشی کوزه تیلماقده.