ایچکی ایشلر وزیری اولوسی جرگه تمانیدن صلاحیت سیزلنتیریلدی

استیضاح اوچون اولوسی جرگه گه چقیریلگن، ایچکی ایشلر وزیری مجتبی پتنگ نینگ بیرگن جوابلری ملت وکیللری نی قانیقیترمی آواز بیریش جریانی یولگه قوییلدی ، جلسه ده حضور تاپگن ملت وکیللری نینگ اکثریتی رد آواز بیریب، مجتبی پتنگ نی . وزیرلیک لوازمیدن صلاحیت سیزلنتیردی.

عمومی جلسه ده حضور تاپگن 203 ملت وکیلدن 136 ته سی رد آواز بیردی.

شاه یوللروضعیتی یمانله شیب باره یاتگنی سبب استیضاح اوچون اولوسی جرگه گه چقیریلگن، افغانستان ایچکی ایشلروزیری مجتبی پتنگ، جاری قویاش ییلی باشله نیشدن بیری حاضرگه چه قریب 2748 پلیس قربان بولگنینی تیلگه آلدی.

پتنگ جنابلری، ملت وکیللری نینگ سواللریگه جواب بیره یاتگن بیرپیت بو فکرنی بیلدیردی.

عینی حالده پتنک جنابلری ایچکی ایشلروزیرلیگی دایره سیده فساد و ایریم کمچیلیک لر موجود بولگنینی اورغولب اصلاحات آلیب کیلیش اوچون جدی سعی قیلگنینی ایتیب بوحقده شوندی دیدی:" مین کیلمسدن آلدین ایچکی ایشلر وزیرلیگی ماشینه سیزبوزیق موترگه اوخشرایدی، هرقنچه هیداوچی تعیین قیلرایدیم، اما یوریمس ایدی. یخشی بیرتیزیم یوق ایدی، مین بو کمچیلیک لرنی برطرف ایتیشگه اوریندیم."

افغانستان مدافعه وزیری بسم الله محمدی بوندن آلدین ایچکی ایشلر وزیری صفتیده فعالیت آلیب باررایدی.

باشقه تماندن پنتگ جنابلری ، شاه یوللرامنیتی حاضرگی کونده سناقلی پلیس کوچلری تمانیدن تامین له نیب کیله یاتگنینی تیلگه آلیب آلدین لر ایسه شاه یوللر امنیتی نی تامین لش اوچون طالبان گه باج تولنگنینی ادعا قیلگن ایدی.

همده او شاه یوللرامنیتی بوزیلیب باره یاتگنی و پارلمان نینگ آلدینگی چقیریق لریگه اعتبار بیرمه گنی سبب استیضاح بولیشیگه قرار آلینگن ایدی.

شونینگ دیک، مجتبی پتنگ، افغانستانده غیر مسوول قوراللی لر باره سیده هم سوز یورتیب، هربیر اویده بیر یا ایکی قورال موجود لیگینی تیلگه آلیب جاری وضعیت دن خواطر بیلدیردی. اونگه کوره، حاضر 275000 قورال اهالی اختیاریده بولگن.

عینی حالده مجتبی پتنگ، اونینگ ملاقات قیلیش اوچون وزیرلیککه باش اورگن ملت وکیللری بیلن اوچره شگنینی ایتیب، افغانستان نینگ تورلی ولایت لریده گی ایش سفری جریانیده، جواب بیریش اوچون پارلمانگه حضور تاپه المه گنینی تن آلدی، اما او بو ملت اوییگه حرمت سیزلیک قیلیش معنی سیده ایمس لیگینی تاکیدله دی.

اما شونده ی بولسه هم، وکیللرمراجعت اوچون مخصوص بیر اداره ایچکی ایشلر وزیرلیگی دایره سیده آچیلگنینی ایتیب، ملت وکیللری نینگ بو اداره آرقه لی مراجعت قیلیش لری کیره ک لیگینی ایتدی.

شونگه علاوه مجتبی پتنگ پلیس دایره سیده بولگن کمچیلیک لر خصوصیده وکیللرتمانیدن آلغه سوریلگن قطار سواللرگه جواب بیردی.

اما اونینگ بیرگن سواللری ملت وکیللری نینگ قانیقتیرمی، رد یا ایشانچ سیز رای بیریش جریانی یولگه قوییلیشگه قرار قیلیندی نتیجه ده بوکونگی جلسه ده حضور تاپگن ملت وکیللری نینگ اکثریتی ایشانچ سیز آواز بیریب، مجتبی پتنگ نی صلاحیت سیزلنتیردی.