آقچه تومنیده یوزبیرگن پارتلشده بیر پلیس و ایکی تینچ فقرا قربان بولگن

جوزجان ولایتی نینگ پلیس اداره سیگه کوره، آقچه بازاریده پلیس موتری یقینیده ماین پارتله گن، نتیجه ده بیر پلیس و ایکی تینچ فقرا قربان بولگن، همده اون کیشی یره لنگن، یره لنگن لر آره سیده پلیس عسکرلری هم موجود لیگی ایتیلماقده.

بوگون ایرته لب اقچه تومن مرکزیده خوف سیزلیکنی تامین لش اوچون شهرگه بارگن، پلیس موتری یول چیککه سیده اورنه تیلگن ماین بیلن دوچ کیله دی.

جوزجان ولایتی پلیس اداره سی نینگ سوزچیسی احمد مسعود بی بی سی بیلن بولگن صحبتیده اوشبو حادثه ده بیر پلیس وایکی تینچ فقرا قربان بولگنینی معلوم قیلدی، عینی حالده او، مذکور حادثه ده تورت پلیس و آلتی تینچ فقرا یره لنگنی تصدیق لنگن.

یره لنگن لر دوالش اوچون کسلخانه گه انتقال بیریلگن. حادثه مسوولیتینی حاضرگه قدر هیچ بیرگروه یاشخص اوز بوینیگه آلمه گن.

افغانستان شمالیده جایلشگن جوزجان ولایتی نینگ ایریم تومنلریده طالبان عصیانچیلری فعال بولگنی ایتیلماقده.

Бу мавзуда батафсилроқ