آواز بیریش کارتلری نینگ ترقه تیش جریانی نینگ ایککینچی باسقیچی باشلندی

افغانستان سیلاوی لر مستقل کمیسیونی آواز بیریش اوچون ترقه تیله دیگن کارت نینگ ایکینچی باسقیچی بوگون مملکت بویلب باشلنگنی دن خبربیردی.

سیلاولر مستقل کمیسیونی گه کوره، کیلگوسی سیلاولرگه اشتراک ایتیش اوچون 4 میلیون آوازبیریش کارتی اهالی گه ترقه تیلیشی کوتیله دی.

سیلاو لر مستقل کمیسیونی گه کوره آوازبیریش کارتی اوچون کیره ک بوله دیگن اوسکونه اسباب لر مملکت نینگ385 تومنی گه جونه تیلیب و14تومن ده خوف سیزلیک معما سی سبب ییتکزیلمه گن.

افغانستان سیلاولرمستقل کمیسونی مسؤولریگه کوره بوباسقیچده بوتون مملکتده 880 رویخط دن اوتکزیش مرکزی آچیلیشی نظرده توتیلیب، کیلگوسی ایکی آیگچه بو جریان دوام ایته دی.

بو باسقیچده تومن مرکزلری گه قوشیمچه، ییریک شهرلرنینگ تورلی ناحیه لریده هم کارت آلیش مرکزلری آچیله دی. بو مرکزلر5 اسددن باشلب 5میزان گچه ایکی آی گه قدر آوازبیریش کارتی آله دیگن لریوزیگه آچیلیب توره دی. شو مدتده 4میلیون کیشی گه آوازبیریش کارتی ترقه تیلیشی کوزلنگن.

افغانستان سیلاولرمستقل کمیسیونی نینگ باشلیغی فضل احمد معنوی گه کوره، رویخط دن اوتیش اوچون آچیلگن مرکزلرگه کیره کلی موادلر،هم هوا وییرآرقه لی ییتکزیلگن، اما امنیتی معما لرسبب 14اولوسواللیک گه ییتکزیلمه گن.

معنوی جنابلری مذکور 14 تومنده هم، کارت ترقه تیله دیگن مرکزلرآچیلیشی اوچون سعی وحرکت قیلینیشی ممکن لیگی نی ایتماقده.

بیراق معنوی جنابلری، هلمند ولایتی نینگ باغران ودیشو تومنلری، غزنی ولایتی نینگ ناوه تومنی و زابل ولایتی کاکر تومنی نینگ اینگ ناتینچ تومن لردن بولگنی نی ایتیب مذکورتومن لرده سیلاولر یولگه قوییلمسلیگی ممکنلیگی نی تیل آلدی.

" بو تومن لرنینگ امنیتی توله تامین لنگن حالده کیره کلی نرسه لرنی ییتکزیش بیلن رویخطدن اوتیش جریانی باشلنه دی، بونگه بیزنینگ تیارگرلیگیمیز بار، وقت آزلیگی اوچون محللرده مرکزلر سانی نی هم آشیرسک، بو آلینگن تیارگرلیک لرنینگ یول لریدن بیری، اگر بو مرکزلر سیلاولر زمانی گچه آچیلمه گن تقدیرده، ناتینچ تومنلریقینیده جایلشگن محللرنی امنیتی نی تامین له آلسک، بو بیلن اهالی بیرترتیب قیلیب اوزلرینی بو محلگه ییتکزسه لر بوله دی، بیزلرنینگ قولیمیزدن کیله دیگن ایش فقط شو" دییدی معنوی جنابلری

شونینگ دیک سیلاولرمستقل کمیسیونی نینگ باشلیغی معنوی جنابلری سیلاولر مرکزلری نینگ امنیت نی تامین لش اوچون حکومت جدی اعتبارقره تیشی گه امید بیلدیردی.

سیلاولرمستقل کمیسیونی گه کوره ترقه تیله یاتگن آوازبیریش کارت لری دن ساخته تیارلنمسلیگی اوچون کیره کلی چاره و تدبیرآلگن لر، شونینگ دیک سیلاولرمستقل کمیسیونی باشلیغی معنوی جنابلری مملکت ایچکریسی وحتی مملکتدن تشقریده هم عادی حالتده آوازبیریش کارتلرنی ساخته شکلیده تیارلش امکان سیز دیب ایتدی.

آوازبیریش کارتلر ترقه تیلیشی نینگ بیرینچی باسقیچی بوندن ایکی آی آلدین ولایت لرمرکزیده باشله نیب سیلاولرگه 15کون قالگونچه دوام ایته دی.

اوشبو مدتده 130000دن کوپراق کیشی گه آوازبیریش کارتی ترقه تیلیب بوندن 23فاییزی عیاللربولگن.

افغانستان ریاست جمهورلیک سیلاوی 8آیدن کیین یولگه قوییلیشی کوتیله دی.