هملنده ایساف نینگ هوای هجوملریده 45 عصیانچی هلاک بولگن

هلمند ولایت مقامی تمانیدن ترقه تیلگن بیاناتده، اوشبو ولایت نینگ خانشین ودیشو تومنلریده ایساف کوچلری تمانیدن یولگه قوییلگن هوای هجوملرده 45 عصیانچی هلاک بولگنی معلوم قیلینگن. همده بدخشان ولایتی نینگ یفتل تومنیده یوزبیرگن توقنه شووده 4 طالب هلاک بولگن.

هلمند ولایت مقامی تمانیدن نشرایتیلگن اعلامیه ده موترگه مینیلگن طالبان عصیانچیلریچیگره منطقه لردن نیمروز ولایتی نینگ چهاربورجک تومنیگه باریب هجوم ایوشتیرگنلر. همده بیاناتده یازلیشیچه عصیانچیلر مغلوبیتگه اوچره ب چیگره حدودلر ارقه لی پاکستان توپراغی قره ب اوته یاتگن بیر پیت ایساف تمانیدن هوا آرقه لی نشانگه آلینگن.

شونینگ دیک معلومات لرگه کوره ایکینچی هجوم بهرامچه منطقه سیده اویوشتیریلگن، خبرنامه ده یازیلیشیچه بو ایککی هجومده توپلب 45 جنگره هلاک بولگن.

شونینگ دیک هلمند ولایت مقامی مذکور هجوملرده طالبان نینگ مهم قوماندانلریدن بیری هلاک وباشقه بیری یره لنگنینی تاکیدله گن.محلی مقاملربو هجوملرده تینچ فقرا و افغان امنیتی کوچلری هیچ قندی ضرر کورمه گنینی معلوم قیلگن.

باشقه تماندن شمال شرقی بدخشان ولایتیدن کیلگن خبرلرگه کوره، طالبان قوراللی لری وافغان امنیتی کوچلری آره سیده اوشبو ولایت نینگ یفتل تومنیده توقنه شوو یوزبیرگن، بدخشان پلیسی گه کوره مذکور توقنه شووده تورت قوراللی طالب هلاک وباشقه ایکی طالب هم یره لنگن، پلیس کوچلریگه قندی دیر تلفات ییتمه گنی ایتیله دی.