توركمن ملتيگه منسوب شاعر عبدالكريم بهمن عالم دن اوتدي

افغانستان تركمنلري نينگ تنيقلي ادبي، فرهنگي شخصيتي عبدالكريم بهمن جمعه كوني اسد آيي نينگ تورتينچي سيده، 83 ياشيده مزارشريف شهريده وفات ايتدي.

بهمن 1309 – ييلده اندخوي نينگ باغ بوستان قيشلاغيده دنياگه كيلدي. او 1330- ييلدن باشلب فارياب نينگ قرغان باشلنغيچ مكتبيده اوقيتووچي صفتيده ايشگه باشلب، همده اندخوي، ميمنه، درزاب، شبرغان، كابل و مزارشريف شهرلريده اوقيتووچيليك وظيفه سيني دوام ايتديريب كيلگن.

او، 1329- ييلدن باشلب يازيشگه و شعرايتيشگه باشله دي.

اونينگ يازمه اثرلري ‹‹فارياب›› جريده سيده، قيزيل گل، آق گل واشكبارمستعارآتلرده تنقيدي مقاله لري نشر ايتيلگن.

عبدالكريم بهمن دن كوپلرچه منظوم ومنثور اثرلر يادگار قاليب، واولرنينگ كوپيسي چاپدن چيققن.‹‹ بوغيلان سيسلر››، ‹‹ تركمن گورينيشي تاريخدا›› ، ‹‹ غارري قلم ››، ‹‹ يوره ك دردي ›› ، ‹‹آق يول›› ، ‹‹ آنه مهري ›› ، ‹‹ تورت گل ›› اثرلري شولرجمله سيدن دير.