سیلاولرخوفسیزلیگی تامینله نیشیگه ایشانچ بیلدیریلدی

ایچکی ایشلروزیرلیگی 1393- ییلده بولیب اوته دیگن سیلاولر خوف سیزلیگی نینگ تامین لش برنامه سینی سیلاولر مستقل کمیسیونیگه اعلام قیلگن،بو برنامه اساسیده امنیتی کوچلر، سیلاولر امنیتی نی تامین لش اوچون بیرگه لیککه فعالیت آلیب باریشی کوتیله دی.

افغانستانده فعالیت آلیب باره یاتگن خلق ارا کوچلرهم افغانستان طلبی اساسیده ضرورت بولگن چاغی سیلاولر امنیتی نینگ تامین لش اوچون افغان امنیتی کوچلریدن حمایه قیلیشینی سوزبیرگن.

کیله جک جمهورلیک وولایتی سیلاولری نینگ بولیب اوتیشی اوچون قریب سککیز آی قالماقده، اما افغانستان نینگ ایریم منطقه لریده خوف سیزلیک وضعیتی یمانله شیب باره یاتگنی، قطار خواطرلرنی توغدیرگن.

افغانستان ایچکی ایشلر وزیرلیگی کورینیشیچه بوکبی خواطرنی برطرف ایتیش اوچون سیلاولر امنیتی وسیلاولر دن آلدینکی دستورلر امنیتی تامین لش اوچون مخصوص بیرریجه ایشلب چیققن. مذکور امنیتی ریجه مستقل سیلاولر کمیسیونیگه جونه تیلگن.

ناتو سوزچیسی بیلن قوشمه مطبوعات انجمنی اوتکزگن افغانستان ایچکی ایشلر وزیرلیگی سوزچیسی صدیق صدیقی بو برنامه ده سیلاولر امنیتی نی تامینلش اوچون خلق و سیلاولر کمیسیونیگه ایشانچ بیلدیریلگنینی تیلگه آلدی.

"خرسندلیک بیلن بوگون بیز کیله جک ییل سیلاولر امنیتی پلانینی سیلاولر مستقل کمیسیونیگه یوباردیک، 6845 مرکز امنیتی تامینلش اوچون امنیتی پلان سوره لیب بیزنینگ همکارلیگی میز طلب قیلینگن ایدی. افغانستان امنیتی کوچلری، مملکت بویلب سیلاولر امنیتی تامین ایتیشگه قادر".

شونینگ دیک صدیقی جنابلری، افغان امنیتی کوچلری یاردمی بیلن سیلاولراوچون کیره کلی ماده لررای بیرووچیلرنی روی خط گه آلیش 425 مرکزیگه یوباریلگنینی تاکیدله دی.همده یقین زمانده باشقه اون آلتی مرکز گه هم کیره کلی ماده لر یوباریلیشینی ایتدی.

عینی حالده ایچکی ایشلر وزیرلیگی آلدینگی سیلاولردن یخشی تجربه قولگه کیریتیلگنینی اورغولب، افغان پلیسی قوشیمچه یوزدن آرتیق تومنده فعالیت قیلیب کیله یاتگن 22 مینگ محلی پلیس رای بیرووچیلر و رای بیریش مرکزلریگه ضرر ییتکزیشگه یول قویمسلیک لرینی تاکیدله دی.

شونینگ دیک ناتو نینگ ملکی سوزچیسی الیکساندار تایلور ضرورت بولگن حالده آیساف کوچلری هم سیلاولرامنیتی نی تامین لش اوچون افغان کوچلریدن حمایه بیلدیریشینی معلوم قیلدی.

"ناتو جمهورلیک و ولایتی کینگاش سیلالری اوچون رای بیرووچیلرنی روی خطگه آلیش جریانیدن حمایت بیلدیره دی. آیساف کوچلری افغانستان حکومتی نینگ طلبی اساسیده ضرورت بولگن پیتی سیلاولر امنیتی تامین لش اوچون یاردم بیره دی دیدی".

خوب شونده ی ایشانچ بیلدیریلرایکن، نورستان، غزنی، هلمند و زابل ولایت لری نینگ ایریم تومنلریده افغانستان حکومتی نینگ تولیق نظارتی بولمه گن.

سیلاولر مستقل کمیسیون رئیسی هم ایککی کون آلدین بو وضعیت دن خواطر بیلدیرگن ایدی.

بیراق افغانستان ایچکی ایشلر وزیرلیگی یقین زمانده مذکور تومنلرده حربی عملیات لر یولگه قوییلیب، سیلاولر بولیب اوتیشی اوچون زمینه یره تیلیشیگه ایشانچ بیلدیره دی.