(مين كسلمن مي؟ (روحي حالتلرگه نظر

Image copyright SPL

حاضرده جهانده گي هر تورت كيشيدن بيرته سي اوز حياتي مابينيده تورلي روحي معمالرگه يوز توتماقده. خلق ارا تشكليلاتلر اتيگي بير نيچه ييلدن كيين روحي كسلليكلر ساغليك تيزيمي اوچون اينگ ييريك معماگه ايله نيشي ني بشارت قيليشگن. بونگه سبب نيمه؟ انسانلر تاباره كوپراق روحي كسلليكلرگه چلينماقده لرمي، ياـ ده طبيات اولرنينگ كوپراق توريني انيقلب، كسلليك صفتيده تن آله باشله دي مي؟ نيوياركده گي اون ورلد كونسيلينگ پسيخالاگيك ياردم مركزي متخصصي گل شاده آستيرگه كوره، يقين آره ده روحي معمالر حاضرده اينگ كوپ ترقلگن، ديه حسابلنه ديگن يوره ك خسته ليكلريدن سونگ ايكينچي اورينگه چيقيشي حقيده گي بشارتلرگه قوشيله دي.

ستتيستيك معلوماتلرگه كوره، حاضرده اورته چه هر تورت انساندن بيرته سي روحي معماگه يوز توته دي. بو حالت كينگ ترقلگن ليگيگه قره مه ي، اونگه چلينگنلرني كمستيش ياده اولرگه ياوقره ش هنوز سقله نيب قالگن. توشكونليككه توشگنلر "ضعيف انسان" صفتيده كوريله دي.

انسانلر تاباره كوپ چلينه ياتگن روحي حالتلر آره سيده ايسه حاضرده اينگ كوپ ترقله ياتگني ـ ديپريسن، روحي توشكونليك. انسان باركه، حياتيده كيفيتي توشيب، قيغوگه باتگن وقتلري بوله دي. ليكن شفاكارلر بونگ اوره ياتگن ديپرينس بيلن شونچه كه قيغوگه باتيش آره سيده فرق نيمه و قنده ي انيقلنه دي؟

Мултимедиа ўйнаш бу қурилмада дастакланмайди

روحي وضعيت قچان معماگه ايلنه دي؟

اوز حياتي مابينيده هر قنده ي انسان بعضي حادثه لرگه جوابآ قيغوگه توشيشي نورمال حالت. ليكن قيغولي روحيت سلامتليك معماسيگه ايلنگن وقتي هم بوله دي.

روحي توشكونليك نيمه دي؟

انسان نورمال حالتده حيات نينگ پست ـ بلندليكلريگه برداش بيريب، اوز و يقينلري غميني ايچيشني دوام ايتتيره ديگن، اوز موجود پاتينچيه لريدن فايده لنيش و جميعت گه فايده كيلتيره آله ديگن وضعيتده بوله دي.

هر قنده ي انسان قيغوگه باتگن يا ده عصبيلشيش حالتيني باشدن كيچيره دي. ليكن بو علامتلرنينگ روحي كسلليككه ايلنگنليگي نينگ دستلبكي بيلگيسي ـ بو حالت نينگ اوزاق، متصل دوام ايتيشي و تورتكي صفتيده بيران حادثه يوز بيرمه گن وقتده هم روي بيريشي دير.

بو علامتلر شخص نينگ كونده ليك حياتيگه سلبي تاثير كورسته ديگن درجه گه ييتگن وقتي جدي روحي معماگه ايلنگن حسابلنه دي.

مثلآ، كلينيك توشكونليككه دچار بولگن آدم اوته چوقور و اوزاق مدتلي قيغوگه توشه دي، آده ماوي بوليب، غيرتدن قاله دي.

عادتده بو علامتلر استه ـ سيكينليك بيلن بير نيچه هفته يا ده آيلب رواجلنيب كيله دي، ليكن بعضيده بيردنيگه شدت بيلن پيدا بوليشي هم ممكن.

كلينيك روحي توشكونليك معماسي بيلن ثمره لي يولده كوره شيش اوچون اولر كلسيپيكچه قيلينه دي. كسلليك اساسآ ايكي كينگ گروه گه بولينه دي ـ عصبي و پي سيخالاليك.

عصبي گروه گه انسان نورمال حالتي نينگ انچه يين سيزيلرلي تورلري كيره دي، مثلآ روحي كسلليك، كوچلي خواطر يا ده بيران حركت ني قيته – قيته قيله ويريش. (مثلا، قولني قيته – قيته يووه بيريش، همه نرسه نينگ هميشه اوز اورنيده بوليشيگه اينتيليش كبي). بوكبي علامتلرني اوزحياتي مابينيده تخمينا هر10 كيشيدن بيرته سي باشدن كيچيره دي.

روانشناسليك تورده گي توشكونليكني ايسه تخمينا هر100 كيشيدن بيري باشدن كيچيريب، اولرشخص نينگ واقعيليگيني قبول قيليشي، وشو اساسده فكرلشي، قرارلرقبول قيليشيگه تاثيركورسته دي.اولرگه شيزافرينيه و بيپاليركسلليكلريگه كيره دي.

روحي كسلليكلركينگ ترقلگن بولسه هم، كوپلراوندن خلاص بوله آله ديلر يا- ده او بيلن قنده ي يشش يوللريني اورگنه ديلر.

روحي توشكونليكني نيمه كيلتيريب چيقه ره دي؟

روحي توشكونليك، ديپريس ني عينآ نيمه كيلتيريب چيقه ريشي نامعلوم. اما جسماني، روحيات شناسليك واطراف- يقينده گي حالتلر بيرگه ليكده عامل بوليشي ايتيله دي.

كوپلب روحي كسلليكلر اولادلر آشه قيته لنگني اوچون ارثي باغليق ليك بارديگن تخمينلرهم بار.

متخصصلرنينگ ايشانيشلريچه، اكثرروحي كسلليكلربيرقطارگينلرده گي اوزگريشلرگه باغليق دير وبو كبي گينگگه ايگه بولگنلر روحي كسلليككه چلينيشگه مايل بوله ديلر. اما بوگينگ نينگ اوزي كسلليكني كيلتيريب چيقرمه يدي. ديمك، انسان بوكبي ارثي ميراثگه ايگه بوليشي ممكن، ليكن بو ديگني البته كسلليك رواجلنه دي ديگنيني انگلتمه يدي.

بوكبي گينگه ايگه بولگن انسانلر قيغو- عذاب، بيراودن اجره ب قاليشي، اوزلريگه نسبتا حقارت و تزييق كبي عامللر، يا- ده ''تورتكيلر" گه بيريلوچنراق بوله ديلر.

حياتده گي آغريقلي حادثه لر بوكبي بيريلوچن شخصلردن كسلليككه تورتكي بيريشي ممكن. بوعامللرگه كسلليك، اجره شيشي، يقينلردن اجره ب قاليشي، ايش جاييني يوقاتيشي وهكذالر كيره دي.

روحي كسلليكني قان تيكشيرووچي ياكه شونگه اوخشش تيكشيروو بيلن انيقلب بولمه يدي.

فقط گينه متخصص برچه علامتلريني اورگنيب چيقيب، اوزاق وقت كوزه تولردن كيينگينه تشخيص قويشي ممكن.

كوپلب روحي كسلليكلرنينگ علامتلري ايسه بير- بيريگه اوخشش، شوسببلي انيق تشخيص قويش مشكل ايش.

بعضي متخصص لرگه كوره، روحي كسلليكلرني انيقلش نينگ جاري موجود اصوللري اوته طبي يانده شوو گه اساسلنگن.

ينه روحي توشكونليكني انسان تنه سيده گي بيزلر تامانيدن ايشلب چيقره له ديگن سرطان ماده سينينگ ميه ده گي ايتيشماوچيليگي كيلتيريب چيقره دي، ديگن غايه بار.

بويانده شوو روحي كسلليكلرني اساسآ، ميه ده گي كيمياوي اوزگريشلرگه باغله يدي.

تنقيدچيلرگه كوره، بو يانده شوو روحي كسلليك نينگ حسي عامللريني نظردن قاچيره دي.

بو يانده شوو كيليب چيقيب حاضرده روحي توشونليككه اوچره گنلرگه انتي- ديپريسسنت داري- درمانلرني بيلگيلش كينگ ترقلگن. بوداري لرايسه تليگينه ناخوش عاقبتلرني كيلتيريب چيقه ريشي معلوم. ايجابي نتيجه سي ايسه كوپده سوال آستيده.