جلال آبادده هندوستان قونسلی قرشی سیده کوچلی پارتلش یوزبیردی

ننگرهارولایت حاکمی سوزچیسی گه وکوره، یوزبیرگن پارتلشده اوچ کیشی قربان و20 گه یقین انسان یره لنگن،اما جلال آباد کسلخانه باشلیغی 8 جسد اوشبوکسلخانه گه آلیب کیلینگنینی ایتگن،همده بولایت نینگ شیرزاد تومنیده یوزبیرگن توقنه شووده، 76 طالب و22 پلیس هلاک بولگن.

بوگون ساعت اون یریم اطرافیده جلال آباد شهریده هندوستان قونسلی مقابلیده پارتلاوچی ماده جایلشتریلگن موتر پارتله تیلگن. محلی مقاملر پارتلش قونسلی مقابلیده روی بیرگنینی تصدیق لب، اوچ کیشی قربان بولگنینی معلوم قیلگن، جلال آباد کسلخانه رییسی همایون ظهیر اوشبو کسلخانه گه 8 جسد و ییره لنگن 22 کیشی آلیب کیلینگنینی ایتگن. اما بوندن آلدین ننگرهار ولایتی نینگ ولایت حاکمی سوزچیسی مذکور حادثه ده اوچ کیشی قربان بولگنینی ایتگن ایدی.

شونینگ دیک، پارتلش نتیجه سیده بیر مسجد، نیچه بنا ویران ایتیلگنی ایتیلماقده.

کونی کیچه ننگرهار ولایتی نینگ شیرزاد تومنیده محلی قوم باشلیغ لریدن بیری نینگ اوی اطرافی طالبان قوراللی لری تمانیدن قورشب آلینگنی باعث پلیس کوچلری، اوشبو شخصنی قوتقریش اوچون محلده بارگن پیت پلیس و طالبان عصیانچیلری آره سیده توقنه شوباشله نیب کیتگن.

ننگرهار ولایتی نینگ ولایت حاکمی سوزچیسی احمد ضیا عبدالزی محلده گی خبرنگار لر بیلن بولگن صحبتیده مذکور توقنه شووده 76 قوراللی طالب هلاک وباشقه ایکی طالب قولگه آلینگنینی ایتگن. شونینگ دیک او، توقنه شوده 22 پلیس هم قربان بولگنینی تصدیق له گن.

اما طالبان عصیانچیلری بیر بیانات ترقه تیب، شیرزاد تومنیده طالبان و افغان پلیس کوچلری اره سیده قتیق توقنه شوو یوزبیرگنینی ایتیب، یوزگه یقین پلیس هلاک بولگنینی ادعا قیلگن.

همده طالبان تمانیدن ترقه تیلگن خبرنامه ده، توقنه شوو بوگون محلی وقت ساعت توقیز اطرافیده نهایه تاپگنی معلوم قیلینگن.