" اوزبیکستان اسلام حرکتی، افغان اوزبیکلری آره سیده نفوذ قیلماقده"

Image caption بورکه حاکمی: اولر حاضرگی کونده ماین اورنه تیش انتحاری هجوملر اویوشتریش کبی عصیانچیلیک فعالیت لرگه قول اوریب کیلماقده لر.

افغانستان شمالیده جایلشگن بغلان ولایتی بورکه تومن یشاووچیلری نينگ اکثریتیني اوزبیکلر تشكيل بيره دي.

بی بی سی اوزبیک خذمتی بورکه تومني حاکمی عبدالجبار اسلامی بيلن اوتكزگن صحبتيده، اوزبیکستان اسلام حرکتی، بوركه يشاووچيلري ايچيگه نفوذ قیلگنی دن خبر بيردي. اونگه كوره، اوزبيكستان اسلام حركتي حاضرگي كونده بغلان ولايتي نينگ ايريم منطقه لري اينيقسه، بوركه ده فعاليتلري كينگه يگن.

سونگي پيتلرده، اوزبیکستان اسلام حرکتی نینگ فعالیتی نه فقط بورکه ده، بلکه افغانستان نینگ شمالی وشمال شرقی ولایت لریده كينگه ييب باره ياتگني، خواطرلرگه سبب بولگن. لیکن بغلان ولایتی نینگ بورکه تومنیده اولر منطقه یشاوچیلری آره سیده نفوذ قیلگنی ایتیله دی.

بورکه تومني حاکمی عبدالجبار اسلامی، بوحرکت اعضالری نينگ فعالیتلریگه اوزگریش عملگه آشگني باره سيده گپيردي:" اولرنینگ کیم لیگینی انیق لش جوده هم قیین، آلدینلر اوزبیکستاندن میز دیب ایترایدی ، اما حاضر ایتمیدی. سوره سنگیز فاریاب دن من یا تخاردن من دیدی. چونکی محللرده سوزله شه دیگن اهالی تیلی لهجه لریگه گپیریشگه قادر بولگن، اولر حاضرگی کونده ماین اورنه تیش انتحاری هجوملر اویوشتریش کبی عصیانچیلیک فعالیت لرگه قول اوریب کیلماقده لر."

بورکه تومني حاکمی گه کوره، آلدینلر اوشبو تومنده قيته قوریش ایشلری یخشی شکلده عملگه آشریلمه گنی، همده منطقه یشاوچیلری نینگ اکثریتی اوزبیکلردن عبارت بولگنی، اوزبیکستان اسلام حرکتي فعالیتي گه زمینه یره تگن، لیکن حرکت نینگ قنچه اعضاسی بورکه تومنیده فعالیت آليب بارياتگني باره سیده احتمالی رقملرهم موجود ایمس.

معلوماتلرگه کوره، ایکی ییل آلدین هم بورکه تومنیده اوزبیکستان اسلام حرکتي فعالیتی كينگه ييگني ايتيلگن ايدي، ليكن اولرنی یوق ایتیش اوچون بيرقطار کیچکی عملیاتلر یولگه قوییلگن. بورکه تومني حاکمی اسلامی جنابلری، بوکبی عملیاتلر بیر ییل آلدین یخشی نتيجه ايريشگني ني ايتدي، اونگه كوره، سونگی عملیات لرده محلی تینچ فقرا توتقینگه آلینه یاتگنی بوکبی عملیاتلرنینگ تاثیريني سستيتيرگن.

بوركه حاكمي شونينگ ديك، اوزبیکستان اسلام حرکتي بغلان ولایتی نینگ باشقه منطقه لریده هم فعاليت قيله ياتگني ني تاكيدلب، اولرني نابود قيليش اوچون كينگ عملياتلرني عملگه آشيريليشي ضرورليگي ني بيلديرماقده.

شمالشرق تخار و قندوز ولایت لریده هم اوزبيكستان اسلام حرکتي نينگ فعالیتی کوزه تیله یاتگنی ایتلگندی.

باشقه تماندن ایریم انتحاری وگروهی هجوملر، اوزبیکستان اسلام حرکتي اعضالری تمانیدن اویوشتریلگنی ایتیلگن. بوندن آلدین پنجشیرده اویوشتیريلگن گروهی هجوم مسوولیتينی اوزبیکستان اسلام حرکتي اوز بوینیگه آلگندی

.