حامدكرزي حسن روحاني نينگ تحليف مراسميده اشتراك ايتيش اوچون تهرانگه سفر قيلدي

كرزي جنابلري بوندن بير نيچه كون آلدين حسن روحاني نينگ تحليف مراسمي ده قتنه شيشگه تيارگرليگيني اظهار ايتگن ايدي.

افغانستان جمهور رييسي حامدكرزي ايران ينگي جمهور رييسي حسن روحاني نينگ تحليف مراسمي ده اشتراك ايتيش اوچون، تهران گه يول آلدي

جمهور رييسليك اداره سي، مذكور سرده جمهور رييس كرزي ني تشقي ايشلروزيري زلمي رسول و ملي خوفسيزليك مصلحتچيسي رنگين دادفر سپنتا يولداشليك قيليشيني ايتگن. حامدكرزي دنيا بويلب بيرينچي بوليب، روحاني جنابلريني ايران جمهور رييسليك سيلاولريده غلبه قاران گنليگي حقيده گي خبر آرتيدن تبريكله دي. افغانستان جمهور رييسي بوندن تورت ييل مقدم هم، دنيا بويلب ايلك بار محمود احمد نژاد ني سيلاولرده موفقيت قازانگنليگي باره سيده تبريكله گن ايدي. كرزي جنابلري، محمود احمد نژاد نينگ ايكينچي بار سيلنگني ني ايكله مملكت نينگ رواجلنيشي اوچون آلغه سيلجيش بير آدم ديه تاكيدله گن ايدي. حامدكرزي احمدنژاد بيلن يقين علاقه ده ايدي. ايكله رهبر جمهور رييسليك دورلريده بير نيچه بار بير بيراولري نينگ مملكتلريگه سفر قيلگنلر. حسن روحاني اوتگن كون ايران اسلام جمهور رهبري علي خامنه اي دن جمهور رييسليككه حاكمليك فرمانيني قولگه كيريتدي و تورت ييلگچه جمهور رييس تعيينلندي. ايتيليشيچه، جمهور رييس نينگ تحليف مراسمي بوگون كيچقرون اوتكزيله دي.