افغانستانده نيمه اوچون 2014- ييلدن قورقيشه دي

Image caption كيله جكني كوتيب ...

"نيمه اوچون اويلنمه يپسن؟" يقينده كابلگه سفريم چاغي يقين دوستلريمدن بيريگه عينآ شو سوال ني بيرديم. مين اونينگ ييللركه بيرقيزني عاشق وبيقرار بوليب سيويشيني بيلرايديم. "2014- ييل ني كوتماقده من"، - ديدي او. "كوره يليك چي، نيمه بولرايكن، شوندن كيين بيرقرار بيره من"،- دييدي دوستم. "2014- ييل ني كوتيش" موضوعي افغانستانده تاباره عاملله شيب بارماقده. گپ شونده ي كه، 2014- ييلده افغانستان ني خارجي قشونلرترك ايتيشه دي. حيات نينگ مهم واقعه لري، مثلا اويله نيش و يا فرزندكوريشگه دايرقرار بيريليشي كيره ك بولسه، افغانستانليكلراوليگه بيرنيچه سواللرگه جواب قيديريشه دي. طالبلر زوروانليگي ينه هم يامانلشرمي كن؟ خوفسيزليك كوچلري اولرگه قرشي توريشيني عهده لي بيليشه دي مي؟ مملكت ينه فقرالر اوروشي داميگه توشيب قالمس مي كن؟ "سين لندن دن كيلدينگ، نيمه بوله دي ديب اويله ي سن؟" مين لندن ده يشه ي من، راست، اما منه شوسوال ني اوزيمگه بيرنيچه باربيريب كورگن من...

پول ييغيش عزيزشاه 38 ياشده. او مزارشريف ده كييم- كيچك ساته ديگن دكانگه ايگه. عزيزنينگ ايتيشيچه، 2014- ييل تاباره يقينلشيب كيلرايكن، سوداهم سستله شيب بارماقده. "آدملر اولگيده ي پول صرف قيلمه يديگن بوليشدي، همه كيله سي ييلدن خواطرده"،- دييدي او. احتمال، افغانستان نينگ اوتميشي حاضرگي حيات رياليكلريگه تاثير ايته ياتگندير، بومملكت يقين تآريخده برقرارحكومت نيمه ايكنيني بيلمه يدي. 1989- ييلده شورالر افغانستاندن چيقيب كيتيشرايكن، بوتون مملكت فقرالراوروشي گردابيده قالدي. ايريم ولايتده ايسه كيله سي ييلده قورقيش حسي حيات حقيقت لريگه ماس بير حالتدير. خارجي قشونلراسته- سيكين وطنلريگه قيتيشرايكن، محلي اقتصاد آقسشني باشله گن. بيرپيتلرافغانستان نينگ قينب تورگن اوي- جاي بازاري بوگون تورغون حالتگه توشگن. خارجي قشونلر و اولرگه باغليق طرفه شركتلرآييگه مينگلرچه دالرتوپلب اجاره گه آلگن اوي لر و بنالر ايندي بوشب قالگن. عبدالاحد هراتده اوي- جاي آلدي – ساتديسي بيلن شغله نيب كيلگن، اما منطقه نرخلر يرميگه ارزانلب كيتگنيدن كيين بوايشني ترك ايتيشگه مجبوربولگن. حاضر كابلگه كيليب ايش قيديرماقده. "آدملر پول ييغيش بيلن آواره... قاره كونگه اسره شماقده، هيچ كيم ايرته گه نيمه بوليشني بيلمه يدي"،- دييدي عبدالاحد. يخشيراق ايش تاپيش مشكللشيب بارماقده. احمد صميم افغانستانده گي خارجي كوچلرگه تيلماچيليك قيليب موميگينه درامد قيلرايدي.

"مين افغانستان اقتصاديده "يوكسليش" فقط رويا ايكنيني باشدن بيلرديم"،- دييدي او.

مينينگ دوستيمگه قيتسك، او تويني كيچيكتيره ياتگن يگانه افغانستانليك ايمس.

افغانلر عادتده تويلريگه مينگدن آرتيق مهمان كيلمسه توي سنشمه يدي. اما بوگل مين اوزسفريم دواميده توي و باشقه مراسملرده ايككي يوز اطرافيده مهمان تكليف قيلينگنيگه گواه بولديم.

"بير ييل اول هم بيزده توي و ضيافتلرجوده كوپ بولردي، اما ايندي آدملر ضيافتلرني اوزاويلريده قيليشه ديگن بوليشدي"، دييدي كابلده گي مهمانخانه ايگه سي محمدزلمي.

'كوچه تازه له يميز'

Image caption سرمايه لر دوام ايته دي مي؟

اميدسيزليك تاباره تعبير جايز بولسه جوده كينگ ترقلگن.

اما ايرته گه بولگن ايشانچ هم مملكت نينگ قي بورچه گيده يششينگيز بيلن فرقلنه دي. مين مملكت شماليده وايه گه ايتگن من. بو ييرده آدملرني تشويشيگه ساله ياتگني اقتصاد بيلن باغليق مساله لر.

قيشلاق جايلرده ايسه كيله سي ييلدن كوره، شو ييل نينگ حاصلي حقيده كوپراق قيغوره ديلر.

اما اوروش ييللريده اولغه يگن ياش اولاد مملكت اونگلنيشي اوچون بيرايمس نيچه ايش بيلن بند...

"بيز پول تشله شه ميز، كييم- كيچك و آذيق- آوقت خريد قيليب كمبغل لرگه اولشه ميز"، - دييدي جهيش ناملي خيريه گروهي نينگ اعضالريدن بيري.

"بيز البته كيله جكدن تشويشده ميز، اما مسؤليت سيزليك قيله ديگن دير ايمس حاضر".

كابل كوچه لريده موترهيداوچي برماق بيلن سنرلي عياللردن بيري فريده اكبر ميني اوزينگ تيوتا موتريده شهرايلنگني آليب چيقه دي.

"هديه ناملي خيريه گروهي ميزبار. منه شو كوچه لرنينگ اكثريتيني بيز تازه له يميز". دييدي او.

بيزكوچت ايكنميز، آذيق- آوقت خيريه قيله ميز وحتي خاتين- قيزلركونيده عياللرگه گل تقديم قيله ميز"، - ديب حكايه قيله دي فريده.

بواولاد خارجي قشونلرنينگ مملكت گه كيريب كيليشي وقيته سرمايه لر ياتقيزيليشيگه گواه بوليب وايه گه ايتدي. انه شو ايككي حالت اورته دن كوته ريليشي طبيعي كه اولرگه سلبي تاثيركورستماقده. اولر مملكت نينگ كيله جكده گي رهبرلري اوزيميز بوله ميزديگن اشتياقيده گي ياشلردير.

اكثريت اوزلري نظارت ايته آلمه يديگن حالتلردن خواطرده لر. اولردن بيري طالبلربيلن مذاكره لر...

افغانستان ايرته گه منطقوي قدرت تله شيش جريانيده قربانگه ايله نيب قالمس مي كن ديگن سوال هم كون ترتيبيده.

عالي محكمه گه جون آيي هجوم اويشتيريلگنده مين كابلده ايديم.

كميده 16 كيشي قربان بولدي.

مين اوزيم كابلده گي مهمانخانه لردن بيريگه يشيرينيشگه مجبوربولديم.

"كابلده گي حيات ني توشونماقچي بولسنگ، شو ييرده يشه شينگ كيره ك" ، دييدي دوستلريمدن بيري.

خواطرمي ويا وهيمه ؟

Image caption اميد سيلاولردن...

ايريملر خارجگه كوچيشني ايسته شه دي و شو يولده جدي حركت باشلنگن.

"مين اوزيم آلمان گه قدر ييتكيزيب قويشلري اوچون بير آدمگه 15 مينگ امريكا دالري توله ديم، آچيغي، 2014- ييل و يا فقرالراوروشيده قربان بوليشيني ايسته مي من" ، - دييدي كابل بيليم يورتيني تمامله گن احمدولي.

جمهورريس كرزي هم آدملر آره سيده اميد سيزليكدن خواطرگه توشيب يقينده مراجعت بيلن چيقدي.

2014- ييلده هيچ نرسه صادر بولمه يدي، تينچ ليك نينگ قبيليده دعوت قيلدي.

اوتگن ييلي او خارجي و محلي مطبوعات ني 2014- ييل موضوعسيني اته يدن بورتتيريشده عيبله دي و بو"بيزني دهشتگه ساليش تكتيكه سي" ديب اته دي.

افغانستان ليك اكثريت كوزه تووچيلراونينگ بوسوزلريني قوللب قوتلشه دي، خواطرلر راستدن بورتيريلماقده دييشه دي.

"افغانستان ده دوامي برقرارليكني برپا ايتيش افغانلرنينگ اوزلريگه باغليق مساله دير"،- دييدي افغانستان ستراتيژيك تدقيقاتلرانيستيتوتيدن داود مراديان.

اونينگ ايتيشيچه، افغانستانده كيله سي ريس جمهورليك سيلاوولري انه شو دوامي برقرارليك نينگ كليتي بوليشي ممكن.

اويله نيشني اورته گه سوره ياتگن دوستيمگه نيمه مصلحت بيره سيزديب سوره ي من.

"2014- ييل بو يامان ايريمگه اوخشه يدي. آدملراونوتيشه دي. دوستينگيزگه ايتينگ، ينه بير ييل ني يوقاتمه سين، اويلنسين"،- دييدي او.

*٢٠١٤ ییلی سیزگه قندی تاثیر قالدرگن؟ فکر بیلدرینگ.