سرپلده دولت صفیگه قوشیلگن طالبان نینگ سابق قوماندانی اولدیریلگن

سرپل ولایتیده بوندن بیر ییل آلدین طالبان صفیدن صلح جریانیگه قوشیلیب کیین محلی پلیس قوماندانی صفیده وظیفه بجریب کیلگن شمس الله اسملی قوماندان، دوستلری اویگه مهمان بولیب بارگن بیرچاغده نامعلوم شخص تمانیدن اوققه توتیلیب هلاک ایتیلگن.

سرپل مسووللریگه کوره، هجومده اوندن باشقه اوچ قوریقچیسی هم هلاک بولیب، باشقه بیش کیشی کیشی یره لنگن.

خوف سیزلیک مسووللری، قتل عمللری قیسی گروه گه باغلیق بولگنی حقیده هیچ نیرسه دیمه گنلر.

پلیس بوحقده تحقیقات ایشلری باشلگنینی ایتگن.

شونینگ دیک حادثه مسوولیتینی حاضرگه قدرهم هیچ بیرگروه یاشخص اوز بوینیگه آلمه گن، هلاک بولگن قوماندان یقینلری هم بوخصوصده هیچ کیمنی عیبله مه گن.

دولت صفیگه قوشیلگن طالبان نینگ سابق اعضالری خوف سیزلیک لری یخشی تامینلنمه یاتگنیدن دایم شکایت قیلیب کیلماقده.