هرات ده ملی بیردملیک دستوری نینگ توقیز خادمی اولدیریلدی

محلی رسمیلرگه کوره، هرات ولایتی نینگ کرخ اولسوال لیگی ده ملی بیردملیک دستوری نینگ توقیز خادمی وبیر پلیس اولدیریلگن. شونینگ دیک فراه ولایتیده یوزبیرگن انتحاری هجومده اوچ کیشی اولیب و باشقه اوچ کیشی یره لنگن.

محلی رسمیلرنینگ ایتیشلریچه اولدیریلگن ملی بیردملیک دستور ایشچیلری کوندوزتماندن کرخ تومن نینگ گچه قیشلاغیده بیر کوپریک ایشینی باشقریب کیچه نی پولیس پوسته سی یقینیده اوتکزرایکن لر.

هرات ولایتی نینگ عامه منفعت لر اداره سی ریسی انجنیر حبیب الله تیموری بوحقده شوندی دیگن:" قورالی عصیانچی لراوتکن کیچه ساعت 11 اطرافی بیرینچی دن هرات _ میمنه شاه یولی نینگ گچه کوتلی یقینی ده گی پولیس پوسته سیگه هجوم اویوشتیریب پوسته دهگی بیر پولیس نی اولدیرگن دن کیین پوسته یقینی ده جایلشکن همبستگی ملی ایشچی لری چادریگه باریب 9 ایش چی نی اوققه توتگن."

هرات پولیسی هم بوحادثه ده بیر پولیس داخل 10 کیشی ملی بیردملیک ایشچی لری اولدیرلگنی نی تصدیق لب بو توغریده تحقیقات و تیکشرو ایش لر باشلنگنی دن خبر بیرگن.

طالبان عصیانچیلری مذکور حادثه مسوولیتینی اوز بوینیگه آلگن.

اوزی نی طالبان سوزچی سی دیب تانشتیرگن قاری یوسف احمدی موبایل ارقه لی پیام یوللب حادثه ده 11 پلیس هلاک بولگنینی ادعا قیلگن ، همده یوزبیرگن توقنه شوده قورالی طالبالردن بیرکیشی هلاک بولنگینی تن الگن.

عینی دمده فراه ولایتی نینگ بالا بلوک تومنیده روی بیرگن انتحاری هجومده اوچ کیشی هلاک بولیب باشقه اوچ کیشی یره لنگن. فراه حاکمی سوزچیسی عبدالرحمان ژوندوی حادثه محلی وقت ساعت 11 اطرافیده بالا بلوک تومن نینگ ساغلیک مرکزی یقینده روی بیرگنینی ایتگن .

او شونینگ دیک ، محلی پلیس قوماندانلریدن بیری هلاک بولگنلر آره سیده ایکنینی ایتگن.