کابلده کتاب سودا ساتیغی سستلشگنی گه سبب نیمه ؟

کابل شهری نینگ جوی شیردیب ناملگن محلده جایلشگن کتاب فروش لرگه کوره، کتاب سودا ساتیغی سست له شیب بارماقده ، اولرگه کوره کتاب بازاری نهایت سست له شیب بارماقده، اگر وضعیت شوطرزده دوام ایتگن تقدیرده بوکسب ایگه لری دن بیر قطارلری کسب لرینی ترک ایتیش لری ممکن.

"کتاب بازارینی حاضر اگر یوق دیسم یالغان بوله دی، اما بازاری صفردیر، بیلیم یورتلرده اوقیله دیگن کتاب لردن باشقه کتاب اصلا ساتیلمه یدی،بوکتاب لرنی هم طلبه لرآلیشیگه مجبور، اما بوگون مکتب درسلیک مفرداتیگه کیریتیلمه گن باشقه کتاب لرنی هیچ کیم سوره مه یدی"

کتاب سودا ساتیغی بیلن شغلله نیب کیله یاتگن لرگه کوره، اوتگن ییل کتاب بازاری یخشی ایدی، اما کتاب سودا ساتیغی جاری ییل باشله نیشی بیلن سست بولگن، بوحقده 8ییل دن بیری کتاب فروش کسبی بیلن شغلله نیب کیلگن محمد حامد:

"کتاب بازاری یخشی اما 4و5آیدن بیری بازاری سست لشگن، اما اوتگن ییلی کتاب بازاری یخشی ایدی، هر تور کتاب اینیقسه دینی وانگلیس تیلی گه عاید کتاب لرنی کوپ آلردیلر". دیید ی او

شونینگ دیک ولایت لرگه کابلدن کوپ سانده کتاب آلیب کیته دیگن کتاب سوداگرلرهم آزراق کتاب آلیب کیته یاتگن لری ایتیله دی، کابل کتاب فروش لریگه کوره، ولایت لرگه کیته دیگن کتاب لرنینگ کوپ قسمی نی مکتب یانیده طلبه لر واوقووچیلراوز بیلیم لرینی آشیریش اوچون خصوصی کورسلرگه عاید کتاب لرتشکیل بیره دی.

باشقه کتابلرگه بازار بولمسلیگی سبب بیر قطار کتاب فروشلیک دکان لر ساته دیگن کتابلری مکتب کتابلری کانکوروکورسلرده اوقیله دیگن کتابلربیلن چیکله نیب قالماقده.

ذبیح الله هم جوی شیرده گی کتاب سوداگرلریدن بیری

"ساته دیگن کتابلریم کانکورتیارگرلیک اوچون کیره ک بوله دیگن کتابلر، حاضرگی کونده کوپراق ساتیله دیگن کتاب لرهم انه شو لر،اهالی شوندن کوپراق ساتیب آله دی، شو سبب بو کتابلرنی ساتیشیم گه توغری کیله دی، تاریخ جغرافیه ساحه سیگه عاید کتابلرنی اونچه آلمه یدیلر،کوره سیز حاضرمارکیتده کتاب آله دیگن مشتری نهایت آز"دییدی او

باشقه تماندن کابللیک کتاب فروش لر اگر وضعیت شو ترتیبده دوام ایته بیرسه، کوپلب کیشی لر بو کسب نی ترک ایتیش گه مجبوربولیش لرینی ایته دیلر.

"اگربو وضعیت دوام ایته بیرسه کوپلب کتابفروشلیک لریاپیله دی، چونکه آلدین امکانیت لریگه قره ب سودالری هم کوپ بولرایدی، مثال بیلن بیرکونگه 5000افغانی سودا قیله دیگن شخص ایسه هلی 400دن 800گچه سودا قیله آله دی وخلاص".

کتاب بازاری نینگ سست بولیشیگه کوپراق سبب کابل اهالی سی آره سیده انترنیت خذمتی عامه له شیب کوپلب اهالی کیره کلی معلومات لرینی انترنت دن یوکلب آلیش لری دیب ایتیله دی.

طلبه لردن عبدالله هربیر پیتده انترنیت دن ایسته گن کتابی نی یوکلب آلیشینی ایته دی.

"انترنت آرقه لی بار کتابلرنی آزمدتده قولگه کیلتیره میز، اونی قیسی کتب خانه ده بارایکن دیب چرچب هاریب قیدیریب یورمه یمیز،شهرده کتاب خانه بولسه، اوزاق محللرده انترنیت امکانیتی بارلیگی معلومات لرنی آلیش اوچون قولی یول بیزاوچون" دییدی او

کابل تعلیم وتربیه فاکولته سی طلبه لریدن محمد صادق بوفاکولته کتاب خانه سیده بولمه گن کتاب لرنی انترنیت آرقه لی تاپیب آلیشینی ایته دی.

"اگر بیلیم یورت نینگ کتب خانه سیده، کتاب موجود بولسه،اوشندن فایده لنه میز، بولمه گن کتاب نی بازاردن آلیش گه آغیرلیک قیله دی، شو سبب آز پول بیلن انترنیت کیلپ لرگه باریب انترنیت دن کوپ معلومات لرنی آله آله میزویا 3جیبی انترنیت نی بیرآی گچه بیر مینگ افغانی آلیب فایده لنه میز"

اهالی نینگ قشاق لیگی سبب بیر قطار لرانترنیت ذن فایده له نیشگه نسبتن کیره ک بولگن کتاب لری نی کتاب فروش لیک کتاب لردن ساتیب آلیشنی معقول کوره دیلر.

عین حالده فاریاب بیلیم یورتی نینگ استاذلریدن محمداشرف شریفی گه کوره، انترنیت ده گی معلومات لردن بیر قسمی کتاب لردیک اعتبارلی منبع بولمسلیگی هم ممکن.

کتاب سودا ساتیغی سستلشگنی گه ینه بیر سبب هم افغانستان وضعیتی یمانله شیب باره یاتگنی و اهالی ایسه کیله جککه نسبتن نا امید بولگنی نی کورستماقده.

بیرقطار لرگه کوره کتاب خوانلیک مدنیتی نینگ جمعیت آره سیده رواجلنتیرش اوچون دولت وعایله لرنینگ مسوولیت لری نهایت کوپ بولگن.

افغانستان اهالی سی آره سیده کتاب خوانلیک مدنیتی رواجلنتیریلمه گنی گه سبب دولت وعایله لر اعتبارسیزلیگی بولگن دیب ایتیله دی.

وکوپلب یاشلرنینگ زمانوی امکانیت لر بو جمله دن تلویزیون ، انترنیت وتیلفون بیلن قیزیقیب قالیب وساعت لب وقت لرینی کیچیریش لری ایسه کتاب گه بولگن قیزیقیش لرینی آزه یتیریب ونهایتده بومساله کتاب بازاری گه هم اوز تاثیرینی قویماقده.