التی کیشی جگربندینی قولدن بیرگن عایله: کرزی وعده لری عملگه آشمه دی

میمنه شهری ده اوتکن ییل قربان هییتیده هلاک ویره داربولگن کیشی لرنینگ عایله اعضالری دولت اولرگه توجه قیلمه گنیدن شکایت قیلماقده لر.

اولر جمهورریس کرزی اولرگه بیرگن وعده سی اوستیده عمل قیلمی، ومحلی ملازم لرهم بوحقده توجه ایتمه گنینی ایته دیلر.

فاریاب حاکمی محمدالله بتاش هم اولرشکایت لرینی توغری دیب، دولت اولرگه کمک قیلیش نیتی ده بولگنینی تیلگه آله دی.

دیمک اوتگن ییلی قربان هییتی ده میمنه شهری نینگ عیدگاه مسجدی یانیده روی بیرگن خودکش هجوم عاقبتیده 70گه یقین کیشی هلاک ویوزدن آرتیق کیشی هم تن جراحتی آلگن ایدی.

هرچندبوحادثه ده اونلب عایله لر اوز عایله اعضالرینی قولدن بیریب قیغوگه باتگن ایدیلر، لیکن انه شو کونده بیرعایله عینن عایله باشلیغی داخل آلتی اعضاسی نی قولدن بیریب عایله باشلیغی 14یاشلی بیرفرزندی بولیب قالیشی هربیرانسان نی نهایت قیغوگه چومدیریب دقتینی اوزیگه تارته دی.

ایتیلیشیچه بوعایله نینگ6 اعضاسی اوتکن ییلی قربان هییتی ده میمنه شهری نینگ جامع مسجد لری دن بیری نینگ ایشیگیده یوزبیرگن خودکش هجوم عاقبتی ده هییت کییمی بیلن قانگه بویه لیب هلاک بولگن لری کوپلب اهالی گه ایسدن چیقمس دردلی خاطره بولگن.

کورینشیچه بواوی ایچیده گی لرنینگ حیات لری جوده آغیرکیچماقده. بواوی ده 14 یاشلی بیرباله سرپرست بولیب قالگن.

حاضرگی کونده بواوی ایچیده عیال وایرکک دن عبارت بولگن 18کیشی حیات کیچیریب کیلماقده.

بولر تیریک لیک قیله دیگن اتاق لری جوده ایسکیریب واولرنی حتی لای قیله دیگن کیشی هم اوی ایچیده یوق وبوتام لرنینگ بوییل قیشده اوییلمی توریشی هم امکان دن اوزاق راق سیزیله دی.

اوی ایچیده بولگن روزگاروضعیتی وقولنه دیگن اوسکونه اسباب لری وبواویده حیات کیچره دیگن لرنینگ حال واحوالی یقیندن کورگن هربیرکیشی نی ییغله ته دی.

.6کیشی جگربندینی قربان هییتی ده توپراققه تاپشیرگن آنه خان بیرییل دن بویان آغیرشرایطلرنی باشدن کیچیرگنی نی تیل گه آله دی.

ایندی بواوی نینگ سرپرستی بولیب قالگن 14یاشلی ارسلان هم اوزآته ایناغه وایکی تاغه سی نی بیرکونده قولدن بیرگنلیگی باعث روحی کسلیک بیلن یولیققن.

اوهم دولت اولرگه اعتبارقره تمه گن لیگی اوچون شکایت قیله دی.

ارسلان مکتب نی تمام قیلگن دن سونگ قوماندان بولیب شهید لرنی اوچینی یعنی قصدینی مسوول کیشی لردن آلیش امیدی ده حیات کیچرماقده.

اوز عایله اعضالرینی قولدن بیریب قیین شرایطده یشب کیله یاتگن بوعایله نینگ قوشنی لری هم بولرحیات لری مشقت لر بیلن کیچه یاتگنیگه شاهد بولیب تورگن لرینی معلوم قیله دیلر.

فاریاب ولایتی نینگ حاکمی محمد الله بتاش گه کوره بولرگه مرکزی حکومت کمکی بیرقتله لیک بولیب واولرمحلی حکومت بارامکانیتی بولگن کمک لرینی ییتکزیب تورگن.

اوشبو حادثه دن نیچه کون اوتراوتمس جمهوررئیس کرزی فاریاب ولایتی نینگ مرکزی میمنه شهری گه سفرقیلیب قربان بولگن عایله لرگه حکومت اولرگه باش پناه قوریب ونفقه لری نینگ هم بیریشنی ایتگن ایدی.

بوحادثه قربان هییتی نینگ بیرینچی کونی میمنه شهری عیدگاه مسجدی ایشیگیده یوزبیریب نتیجه ده 70گه یقین کیشی هلاک ویوزدن آرتیق کیشی هم یره لنگن ایدی.

شونینگ دیک بوواقعه ممکت ایچکری وتشقریسیده مدنی جماعه چیلیک تشکیلات لری نینگ قتیق تنقیدی لری آستیده قالگن ایدی.

حادثه مسولیتی نی طالبان گروهی اوزبوینی گه آلگن ایدی.