قندهار ده 16 کیشی نی اولدیرگن امريكاليك حربي، محكمه حكمي ني كوتماقده

بوندن ايكي ييل مقدم قندهار ولایتیده عياللر وباله لر شامل 16 كيشي ني اولديرگن امريكاليك حربي نينگ اوستيدن اوتكزيله ياتگن محكمه باسقيچي اوز نهايه سيگه ييتگن.

رابرت بيلز يريم تونده 16 كيشي ني افغانستان جنوبي ده جايلشگن قندهار قيشلاقلريده قتل ايتگنليگي ني تن آلگن.

بو حادثه ده قربان بولگنلرنينگ اكثريتي عياللر وباله لر بولگن.

او امريكا غربيده گي واشينگتن نينگ لويس مك كورد ايالتيده محكمه ايتيلدي.

سه شنبه كوني اونينگ اوستيدن محكمه باشلنگن، كيله سي ايكي هفته ايچيده محكمه بو حقده حكم صادر ايتيشي كوتيله دي.

عيبلنگن حربي بو ييل جون آييده اوزيگه قويلگن عيبلاوني تن آلدي.

قاره لاوچيلر بيلز گه عفو سيز حبس حكمي صادر ايتيشگه حركت قيليشماقده لر، اما مدافعه وكيلي عفو امكاني بيلن اوزاق مدتلي جزا بيريليشي ني طلب قيلگن.

خبرلرگه كوره، قاره لاوچيلر، مذكور هجوم امان قالگن 9 نفر افغان ني گواه صفتيده محكمه گه حاضر قيلگنلر. محكمه جريانيده شونينگ ديك، قربان لرنينگ بيرقطار يقينلري ويديو علاقه آرقه لي گواه ليك لريني اظهار ايتگنلر.

قربان لريقينلري رابرت بيلز اوليم جزاسيگه حكم قيلينمسليگي دن غضبده لر.

قندهار ده قيرغين ميلادي 2011 ييلده صادر ايتيليب، افغانستان ده اينگ كته وكينگ اعتراضلر گه سبب بولدي، بونينگ آرتيدن امريكا حربي عملياتلريني وقتينچه ليك توخته تيشگه مجبور بولدي.

رابرت بيلز حاضر 39 ياشيده، او تورتينچي بار افغانستان گه جونه تيلگن ايدي.

اونينگ قيرغينگه قول اورگن كيچه، بتكرار الكول ايچگني ايتيلگن.