کرزی: امنیتی پیمان باره سیده لویه جرگه چقیریلیشی کیره ک

افغانستان جمهوررئیسی حامدکرزی بوکونگی اوتکزگن مطبوعات انجمنیده امریکا وافغانستان آره سیده امنیتی پیمان نینگ امضالش اوچون لویه جرگه چقیریلیشی ضرور لیگینی تاکیدله دی، همده کیله جک سیلاولرده هیچ بیر نامزدن حمایه قیلمسلیگینی تیلگه آلدی.

بوندن آلدین ایریم سیاسی گروه لر،لویه جرگه چقیریلیشی دن اصلی مقصد باشقه چه بولگنیدن خواطربیلدیریب شو اوچون بو جرگه نینگ بولیب اوتیشیگه قرشیلیک بیلدیرگن ایدی، باشقه تماندن بیرقنچه ملت وکیللری هم لویه جرگه چقیریلیشگه قرشی چیقیب، امنیتی پیمان باره سیده قرار آلیش پارلمان صلاحیتیدن ایکنینی ایتگن ایدی.

افغانستان جمهوررئیسی حامدکرزی بوکونگی اوتکزگن مطبوعات انجمنیده، امنیتی پیمان باره سیده لویه جرگه چقیریلیشی کیره ک لیگینی تیلگه آلیب بوحقده شونده ی دیدی:" امنیتی پیمان باره سیده لویه جرگه چقیریلسه ، افغانستان حکومتی، پارلمان و مخالف سیاسی گروه لر هیچ نرسه نی قولدن بیرمه یدی."

باشقه تماندن افغانستان جمهوررئیسی حامدکرزی، کیله جک ریاست جمهورلیک سیلاوی اوچون احتمالی نامزدلرتمانیدن حرکت لر باشلنگنی باره سیده فکر بیلدیریب عبدالرب رسول سیاف، اشرف غنی احمدزی، عبدالله عبدالله وباشقه بیرقنچه شخص احتمالی نامزدلر بولیشی ممکن لیگینی تیلگه آلدی.

سیاف نینگ احتمالی نامزد لیگی باره سیده هم سوال بولگنده کرزی جنابلری شونده ی جواب بیردی:" سیاف جهادی بیرشخصیت، افغانستان حکومتی و دنیاجماعت چیلیگی گه هم یخشی یاردم کورسه تگن."

شونینگ دیک جمهوررئیس کرزی کیله جک جمهورلیک وولایتی سیلاولرنی شفاف اوز وقتیگه بولیب اوتیشگه امید بیلدیریب، وقتینچه لیک بیر حکومت توزیش اوچون ایزین بیرمسلیگینی تاکیدله دی.

مطبوعات انجمنی جریانیده، امریکا قوشمه ایالت لری و گلبد الدین حکمتیار باشچلیگیده گی اسلامی حزب وقتینچه لیک بیر حکومت قوریش ریجه سی اوستیگه ایشله یاتگنی باره سیده خبرموجود دیگن سوال گه شو جوابنی بیردی.

عینی حالده کرزی جنابلری ایکی کوندن سونگ پاکستانگه سفر قیلیشینی ایتیب، صلح باره سیده پاکستانلیک مقاملر بیلن صحبت قیلیش سفری ترتیبیده تورگن بیرینچی موضوع بولگنینی اورغوله دی، عینی حالده او، پاکستان گه قیلگن آلدینگی سفر لری اونچه لیک نتیجه لربیلن بیرگه بولمه گنی نی تاکیدلب کوتیله یاتگن سفری نتیجه لی بولیشگه امید بیلدیردی.