تامینات کاروانلریدن بیری طالبان تمانیدن هجوم گه توتیلدی

طالبان عصیانچیلری هرات قندهار شاه یولیده تامینات کاروانلریدن بیریگه هجوم اویوشتیرگن لر، نتیجه ده التی کیشی اولیب و اون کیشی یره لنگن. طالبان عصیانچیلری هجوم مسوولیتینی اوز بوینیگه آلگن.

فراه ولایتی نینگ ولایت حاکمی سوزچیسی عبدالرحمان ژوندوی گه کوره، هلاک ایتیلگن ویره لنگن لر تامینات کاروان هیداوچیلری بولگن.

عینی حالده ژوندی جنابلری هجوم نتیجه سیده قریب قیرق تانکر اوت آلگنینی تصدیق له دی.

بو حادثه اوتگن آقشام فراه ولایتی نینگ بالا بلوک تومنی نینگ مرکزیده روی بیرگن.

طالبان عصیانچیلری بیراعلامیه ترقه ته تیب حادثه مسوولیتینی اوز بوینیگه آلگن لر، فراه قندهار شاه یولیده طالبان عصیانچیلری انچه فعال بولگن، آلدینلرهم بو یولده شوندی حادثه لر یوزبیرگن ایدی.

ایریم لرگه کوره نه فقط مذکور شاه یول بلکه باشقه شاه یوللرده هم شوندی حادثه لر یوزبیریب کیلماقده.