فيض آباد شهرداري بيرسوء قصددن آمان قالدي

Image caption بدخشان افغانستان نينگ شمالشرق و نسبتا تينچ ولايتلريدن بيري سنه له دي.

بدخشان محلي رسميلري نينگ خبر بيريشيچه، ولايت مركزي فيض آباد شهرداري بير سوء قصددن آمان قالگن. بدخشان ولايتي پليس قومانداني جهانگير كرامت نينگ بي بي سي گه معلوم قيليشيچه، آباد شهرداري نذري محمد فيض جانيگه قيلينگن سوء قصد دن امان قالگن

اونگه كوره، عصيانچيلر اوزاقدن توريب پارتله تيله ديگن مين ني بير پارتله تيب، اوني اولديريشگه اورينگنلر، ليكن او ، مذكور حادثه ده شهردارليك نينگ تورت قوريقچيسي هلاك بوليب، باشقه بيرته سي يره لنگني ني ايتدي.

كرامت جنابلري، حادثه بدخشان بهارك تومني نينگ كول دشت منطقه سيده صادر ايتيلگني ني معلوم قيلدي. حاضرگچه مذكور پارتلش مسووليتي ني هيچ بير گروه اوز بوينيگه آلمه گن.

بدخشان پاكستان همده مملكت نينگ نابرقرار ولايتي حسابلنمش نورستان بيلن چيگره داش. جنگره لر شو يوللرآرقه لي بدخشان ني برقرارليگيني برهم اوريش اوچون سعي وحركت قيله ياتگني گمان سوريله دي.