كابل بانك قيته دن ساتيشگه قوييلدي

Image caption كابل بانك بوندن ايككي ييل آلدين انقراضگه اوچره گن ايدي.

ماليه وزيرليگي نينگ خزينه لراداره سي ريسي آقامحمد كوهستاني نينگ خبربيريشيچه، دولت كابل بانك ني ايكينچي مرته ساتيشگه قويشي ني نظرده توتگن.

اونگه كوره، بونگه قيزيقه ديگن شركت لرگه سپتامبرآيي نينگ آخريگچه رويخط دن اوتكزيشگه مهلت بيريله دي. بورويخط لرمركزي بانك، ماليه وزيرليگي همده ينگي كابل بانك مسوللري تمانيدن كوريب چيقله دي.

ينگي كابل بانك اولگي دورده كيم آچدي شكلده ساتيلمه گن.

افغانستان ماليه وزيرليگي آلدينگي دورده، فقط گينه ينگي كابل بانك نينگ خريدارلر رويخطي ني رد ايتدي. بو رويخط لرعلي اكبرژوندي كنسرسيوم شركتي ناميده بولگن.

ماليه وزيرليگي رسميلري، كيم آشدي شركت لرلايحه لري، حاضرگي بانكدارليك

قاعده سيگه تينگ بولمه گن وفني قيينچيليكلر هم موجود.

كوهستاني نينگ معلوم قيليشيچه، هيچ بيربانك نينگ كيفيت وهمده كميت خذمتلرجهتدن كابل بانك نينگ اورنيگه اورنه تيش اوچون مناسب كورينمه گن، ديمك ينه بومراتبه هم مناسب رويخط قولگه كيلمسه، دولت اوچ ييلدن توتيب بيش ييلگه قدر بو بانك نينگ اداره سيني اوزبوينيگه آليشگه تيار.

2004 ييل جنوري آييده كابل بانك 5 مليون دالرسرمايه بيلن ايجاد ايتيلدي و بير قنچه مدت دن كيين كابل بانك مشتريلري بيرمليون واوچ يوزمينگ كيشيگه ييتدي.