ینگی تشکیل ایتلگن سیاسی ائتلاف ده طالبان هم شامل

Image caption سیلاولرنی یقین لشیب باریشی بیلن سیاسی بحث مناظره لر بازاری افغانستانده قیزیقماقده

پايتخت كابلده اوتگن ايكي كون ايچيده باشقه ايكي سياسي ائتلاف اورتگه كيلگن، مذكور ائتلافلرنينگ تشكيل ايتيليشيدن اساسي دن مقصد، جمهور رييسليك سيلاولريده مخصوص نامزد چيقه ريش ويا هم باشقه نامزدني قوللب قوتلشدن عبارت ايكني ايتيلگن. اوتگن كون هم كابلده بير سياسي ايتلاف تشكيل ايتيلگن.

افغانستانده جمهور رييسليك سيلاولري يقينلشرايكن، سياسي حزب وائتلافلر نينگ فعاليتي هم كوندن كونگه آشيب بارماقده.

اكثر سياسي و مدني شخصيتلر، تشكيلاتلر سياسي ميدانگه اوز موقعي ني اثابتلش و سياسي موفقيتليك قولگه كيريتيش اوچون، ييغين، مصلحت و ائتلافلر ايجاد ايتيشگه اورينماقده لر. شونينگ ديك، سونگيده اولوسي جرگه اعضاسي سيداسحاق گيلاني باشچيليگيده بير ايتلاف تشكيل ايتيلدي، ايتلاف اعضالري گه كوره، بو ايتلاف گه 15 سياسي حزب و 110 ته مدني جماعه چيليك تشكيلات اعضا.

ايتيلاف رييسي سيد اسحاق گيلاني نينگ، بي بي سي گه ايتيشيچه، مذكور ايتلاف گه طالبان هم شامل قيلينگن.

اوتگن كون هم كابلده ملي حركت ناميگه بير سياسي ائتلاف اورته گه كيلدي، مذكور ائتلاف باشليغي محمد عيسي اسحاقزي، اولر تشقريده گي بيرقطار افغان سياستچيلري نينگ اشتراكيده اوز حركتلريني باشله گني ني تاكيدله دي.

اسحاقزيگه كوره، بو ملي حركت فقطگينه نامزدني حمايه قيليشگه كوره ش مه يدي، بلكه بوندن اساسي مقصد، ملي رهبرلر دايما افغانستان سيلاولري و باشقه مهم مسله لر و اوزگريشلرگه شيريك بوليش دير.

عين حالده، افغانستان نينگ بير نيچه ولايت لريده هم حاضر دن باشلب اهالي جمهور رييسليك سيلاولريده احتمالي نامزد همده شو مقصد اساسيده تشكيل ايتيلگن سياسي سيلاو ايتلافلري واتفاقلريني حمايه لش اوچون ييغينلر برپا ايتيشماقده.

جمهور رييسليك سيلاولري اوچون نامزد وائتلافلر تشكيل ايتيلرايكن، اما اونينگ شفاف بوليب اوتيشي همده خوفسيزليگي ني تامينلش، كته تشويش حسابلنه دي.