افغانستان جنوبی آسیا فتبال بیلله شو نینگ یریم آخرگی باسقیچیگه یول تاپدی

افغانستان فوتبال ملی تیرمه جماعه سی اوزی نینگ تاریخیده ایککینچی بار منطقه وی تورنمينت فینال باسقیچی گه چیقیش اوچون میزبان نیپال بیلن بیلشدی.

بو ایککی رقیب جماعه نینگ جنوبی آسیا فتبال اویوشمه سی آلتین کپی نینگ یریم فینالیده ایککینچی بار بیر- بیرلریگه قرشی توپ سوریشلری دیر.

2011 ییلگی سونگی تورنیرده افغانستان قوشیمچه وقت حسابیگه نیپاللیک رقیبلرینی ینگیب، فینالگه چیققن، اما آلتین کپینی هندوستانگه بای بیرگندی. هر ایککی تمان هم بوگونگی اوچره شویده غلبه قازانیش اوچون بار کوچلرینی ایشگه سالیشلرینی تاکیدلشگندی. هم افغانستان و هم نیپال اوز گروه لریده ایککیته غلبه و بیرته دورینگ نتیجه سی قید ایتیب، تورنمينت نینگ یریم فینالیگه چیقیشگن، اما نیپال گروه باسقیچ سره لش بیلله شوولریده عملده گی آلتین کپی ایگه سی هندوستان نی ینگیشگه موفق بولگندی. ایککی سی هم اوزلری نینگ یقین تاریخلریده تورلی خلق ارا تورنمينت دایره سیده بیر – بیرلریگه قرشی بیش بار توپ سوریشگن. بو اوینلرنینگ اوچته سیده نیپال، بیرته سیده افغانستان غلبه قازانگن.

بیر اوچره شو دورنگ نتیجه بیلن یکون لنگن.

اما تاکیدلش کیره ک كه افغانستان فیفا ریتینگیده تورنیمنت ده اشتراک ایته یاتگن قالگن 7 دولت: هندوستان، پاکستان، بنگله دیش، سیریلانکا، نیپال، مالدیف و بوتان اره سیده 139- اورین بیلن اینگ یخشی نتیجه نی قید ایتیب توریبدی.

بو ییلگی تورنمينت نینگ ایککینچی یریم فینال بیللله شووده ایسه، مالدیو هندوستان گه قرشی میدانگه توشه دی. اویین ایرته گه – 9 سیپتمبر کونی بولیب اوته دی. عین اورینده شونی هم ایسله تیب اوتیش کیره ک كه، 2011 ییلده هم عینآ انه شو تورت دولت خوددی شو ترتیبده جنوبی آسیا فتبال اویشمه سی آلتی کوباگی نینگ یریم فیناليگه چیقیشگندی. 31 اگست کونی ستارت آلگن بو گل گی تورنمينت نینگ فینال اوچره شووی 11 سیپتمبر کونی بولیب اوته دی.