"دولت ده کی ایرم حلقه لر سیلاولرنی بولیب اوتیشگه قرشی لیک قیلماقده"

Image caption بو کمیسیون نینگ دارالانشا باشلیغی ضیاالحق امرخیل نینگ معلوم قیلیشیچه اساسی قانون گه اعتبار قره تگنده سیلاولرنی یولگه قوییشدن باشقه یول بولمی سیلاولراوتکزیله دی.

افغانستان سیلاولرمستقل کمیسیونی بومملکتده ایریم جریان لرسیلاولرنی یولگه قوییلمسلیگی اوچون سعی وحرکت قیله یاتگن لرینی ایته دی، بیراق بوکمیسیون سیلاولر اوتکزیلیشی ممکن لیگی نی تاکیدله ماقده.

عین حالده بیر قطارملت وکیللری هم مملکت بویلب بولیب اوتیشی کوتیله یاتگن سیلاولرتینچلیک وامنیتی معما لرسبب شفاف بولیب اوتمسلیگی باره سیده خواطر بیلدیرگنلر.

ولایت کینگاشی وجمهوررئیس لیک سیلاولرکیلگوسی ییل، 16حملده یولگه قوییلیشی کوتیله دی.

ولایت کینگاشی وریاست جمهورلیک کاندیدلری اوزلرینی رویخطدن اوتکزیش لریگه سناقلی کون لر قالگن، اهالی امنیتی وضعیت یمانلیگی نی شفاف سیلاوبولیب اوتیش مساله اونگیده تورگن کته معمادیب ایتماقده لر.

بیر قطار ملت وکیللری هم خوف سیزلیک وضعیتی شو احوالده قالسه مملکت بویلب اوتکزیلیشی ریجه لشتیریلگن سیلاولر شفاف بولمسلیگی ممکن لیگی نی بیلدیرماقده لر.

بوندن آلدین کابلده وایریم ییریک شهرلرده بیر قطارلر ییغین لر اوتکزیلیب سیلاولر آرتده قالدریلیشی نی طلب قیلگن ایدیلر.

اولرحاضرگی شرایطده سیلاولرنی یولگه قوییلیشی اورینلی ایمس دیب، معلوم قیلگن ایدیلر.

باشقه تاماندن افغانستان سیلاولرمستقل کمیسیونی گه کوره ایریم حلقه لر سیلاولرنی کیین راق بولیب اوتیشی باره سیده سعی وحرکت قیلماقده لر.

بو کمیسیون نینگ دارالانشا باشلیغی ضیاالحق امرخیل نینگ معلوم قیلیشیچه اساسی قانون گه اعتبار قره تگنده سیلاولرنی یولگه قوییشدن باشقه یول بولمی سیلاولراوتکزیله دی.

"باش قانونگه اعتبار قره تگنده سیلاولرنی یولگه قوییشدن باشقه چاره یوق، باشقه یول اوستیده بحث قیلیش کیره ک ایمس، افغانستان سیلاولر مستقل کمیسیونی اوز وقتی زمانیده سیلاولرنی یولگه قوییش گه تیارگرلیگی بار، بونی اوتکزیش اوچون خلققه ایشانچ بیره دی .یخشی سیلاو بولیب اوته دی" دییدی عمر خیل جنابلری

شونینگ دیک امرخیل جنابلری گه کوره بو کمیسیون سیلاولرلرنی یولگه قوییش اوچون هرتمانلمه چاره تدبیر کورماقده

او،خوف سیزلیک معما لرینی تن آلیب امنیتی کوچلر موجود معما لرنی برطرف ایتیشی باره سیده سوزبیرگنی نی ایته دی.

افغانستان سیلاولرمستقل کمیسیونی نینگ معلوم قیلیشیچه حاضرگه قدرریاست جمهورلیگی گه کاندیدلیگی باره سیده معلومات تاپیش ورق لریدن 14کیشی قولگه کیلتیرگن لر.

کاندیدلر اوزلرینی رویخطدن اوتکزیش جریانی باشله نیشیگه ایکی کون قالگنی کوتیله دی.

امرخیل جنابلری شفاف ویخشی سیلاو بولیب اوتیشی اوچون اهالی یاردم بیریشی ضروردیب ومملکت بویلب بولیب اوتیشی کوتیله یاتگن بوسیلاو اوتگن دورلرگه قره گنده شفاف بولیشی ممکن لیگی باره سیده ایشانچ بیردی.