افغان طلبه سي سرطان كسلليگي دوالنيشي اوچون ينگي شيوه ايشلب چيققن

Image caption ساري بيليم يورتي اوزي نينگ رسمي ويب سايتيده يازگنيديك، شكردخت نينگ آته سي هم سرطان بيماريگه چلينيب عالمدن اوتگن

اوياشليكده بهاسي ارزان بولگن شيشه لي مونچاقلردن گردنپيچ توزه تيشگه فايده لنرايدي، بواونگه فكرتوغديردي، تا دوالشده بهاسي ارزان بولگن اسبابدن فايده لنسه.

افغانستان عالي تحصيلات وزيرليگي، همده بريتانيا ساري بيليم يورتي اعلان قيلدي كه شكردخت جعفري، افغان طلبه سي دوكتورا دوريني اوشبوبيليم يورتده، سرطان بيمارلريني يخشيراق درمان لش مقصديده (راديوتراپي) ينگي اسباب ني كشف ايتدي.

ساري بيليم يورتي اوزي نينگ رسمي ويب سايتيده يازگنيديك، شكردخت نينگ آته سي هم سرطان بيماريگه چلينيب عالمدن اوتگن، حاضر بوبيمارليكني درماني اوچون قيزي نينگ تخصصي بار.

بيليم يورت تحقيقات مركزي مسوللري ايتيشيچه، خانم جعفري بوبيمارليك درماني اوچون بجرگن حركتي كه اونده پروفيسور ديويد برادلي نينگ تحقيقي شيشه فايبرلريدن فايده لنگن ايدي. ليكن بوطريقه جوده قيين ايدي. حاضرايسه خانم جعفري اوزتحقيقي ده بهاسي ارزان وفايده لي طريقه دن ايش آليب بارده دي.

خانم جعفري ايتيشيگه كوره، اوياشليكده گردنپيچ توزه تيشده بهاسي ارزان مونچاقلردن پول قولگه كيلتيريش اوچون فايده لنرايكن. بوموضوع اوني بهاسي ارزان قيمت وارزشلي بولگني اوچون ويخشي درمانلشده فايده لنيشيگه قيزيقتيردي.

خانم جعفري بوايشيده فايده لنگن مونچاقلر سكيزافغاني (2سنت) دن كمراق بهاسي بار، عين حالده بوايشده اسباب اسكونه لردن فايده لنرايكن، اونينگ هم اوزيدن خاص كمچيليكلري باروهمده اسبابلرنينگ هربيري 50 دلاردن كوپراق (2500افغاني) بهاسي بار.

خانم جعفري نينگ بي بي سي گه بيرگن صحبتيده:"مين عادي شيشه مونچاقلر دن فايده لنديم وارزان اسباب بيلن اساسي شكلده توزه تديم.

خانم جعفری بیلن صحبتنی تینگلینگ

Мултимедиа ўйнаш бу қурилмада дастакланмайди