طالبان قیصارتومنیده 3 نفرنی اولدریب بیرنیچه کیشینی اوزلری بیلن آلیب کیتگن

Image caption حادثه فاریاب ولایتی نینگ قیصار تومنیده روی بیرگن.

فاریاب ولایتی گه قرشلی قیصار تومنیده اوچ کیشی تینچ اهالی طالب لرگروهی تمانیدن اولدیرلگن.

عینی دمده طالبان عصیانکارلری بیرنیچه نفر محلی ده کی اهالینی اوزلری بیلن آلیب کیتگن.

قیصار تومنی نینگ حاکمی عبدالجمیل صدیقی بی بی سی رادیو سی بیلن بولگن صحبتیده بوکیشی لر قیصارتومنی نینگ "جَه­ون" قیشلاقی یشاوچی لریدن بولگن.

اونگه کوره اولر طالبان تمانیدن محلی پلیس گه همکارلیک قیلیش عیبی بیلن هلاک ایتلگن.

قیصار حاکمی بوشخصلر بیرنیچه مدت آلدین محلی پلیس بیلن همکاربولگنینی ایتیب، اوزمنطقه لریده اوروش بولگنی سبب بوییرگه کیلگن دیب ایتماقده

حاکم گه کوره بوشخصلر قوم-آقساقاللر آرقلی اوز منطقه سیگه آلیب باریله یاتکن پیتی طالب لرتمانیدن هلاک ایتلگن.

محلی رسمیلر بوحادثه مسولیتی نی طالبان بونیده تشله سه لرهم لیکن طالبان گروهی بوحقده هیچ نرسه دیمه گنلر.

فاریاب ولایتی نینگ قیصارتومنی ناتینچ تومنلردن سنه لیب بوتومنده انده – سنده بوکبی حادثه لریوزبیریب توره دی

سونگی پیت لرده ناقرارلیک لر بوتومنده آشیب بارماقده. بوندن ایککی هفته مقدم طالبان قیصار تومنیده گی قشلاقلردن بیریگه اوت قویگندی.