افغانستانده یونگ یوه دیگن بیرینچی فابریکه فعالیت گه باشله دی

بوفابریکه نینگ اوچ بولیمی بولیب قالین ایشلب چیقاریش، ایپ ایگیریش بسته بندلیک قیلیش ویونگ یوویش دن عبارت بولگن.

اوشبو یونگ یوه دیگن کارخانه ده هرسکیز ساعتده 4000کیلوگرام یونگ یوویلیب بیر آیده 12تن یونگ نی ایشلب چیقاریش گه قادر بولگنی ایتیله دی.

ایجاد ایتیلیب فعالیت گه باشله گن، بوفابریکه اوچون حاضرگه قدر بیریریم میلیون دالر سرمایه یاتقیزیلگن.

بوخصوصده بو فابریکه مسوولریدن عبدالودود صداقت

"کارخانه ده حاضر بیز بیلن 50 کیشی ایش قیله دی، تورلی ولایت لرکابل وشمال دن عبارت بولگن وحاضرده 8000کیشی شمالده گی عیاللریوویلگن یونگ نی آلیب پول مقابلیده ایگیریب بیره دیلر، کیین بوندن قالین تیارلنه دی، بو ایشیمیز نینگ اولی 8ساتده 4000کیلوگرام یونگ یوویله دی، اگر امکانیت یره تیلسه 24 ساعتده 12000گیلوگرام یونگ نی یوویش ممکن" دییدی او

افغانستانده ایشلب چیقاریله دیگن قول صنعتی حسابلنگن قالین وگیلم دنیا مقیاسیده شهرتگه ایگه بولگنی همه گه معلوم.

اوشبومملکتده تیارلنه دیگن قالین وگیلم لرقوی یونگی نینگ ایپی دن تیارلنه دی، اهالی بوکبی یووه دیگن کارخانه فعال بولمه گنی سبب قوی دن قیرقیلگن یونگ لرنی قول بیلن یوویب همده بونی قول بیلن ایگیره دیلر. فایده لنه دیگن یونگ لرنی بیر قسمی هم خارجدن آلیب کیلینه دی.

عین حالده بوفابریکه مسووللری خارجدن کیله دیگن یوویلگن یونگ دن هم صفتی یخشی وهم نرخی قیمت ایمس لیگی نی معلوم قیله دیلر.

افغانستان تجارت وزیرلیگی نینگ خصوصی سکتوربوییچه عمومی باشلیغی انجنیر عبدالرحیم سعیدی کییچیک تجارت اوچون سرمایه یاتقیزه دیگن لرگه امکانی باریچه بو وزیرلیک یاردم بیریش گه تیارایکن لیگی نی ایته دی.

سرمایه یاتاقیزیش اوچون هر بیر قیزیققن کیشی بولسه یاردم ایتیش گه تیارمیز، یقینده افغانستان دولتی ییرنی تیکین بیریش، برق تولاوینی اوز توشگن نرخگه آلیشی، بیر مدت گچه مالیه آلمسلیک اوچون کته پالیسی نی قول اوستیده آلگن، خصوصی سکتور وکیللری بیلن اولتیریب قنده ی قیلیب بو منظور ایتیلگن یخشی پالیسی لرنی تطبیق ایسک "

میمنه لیک یونگ فروشلر، مشتری لری اوچون یوویلگن یونگ بولگن تقدیرده بونگه کوپراق بها بیره یاتگن لری نی ایته دیلر.

شونینگ دیک ایریم یونگ فروش لر یوویلگن یونگ تیارله یدیگن فابریکه فعالیت گه باشله شی افغانستان اقتصادی کوتاریلیشی وهم اولر ایشلری رواجله نیشی اوچون یخشی دیب ایته دیلر.

یونگه بولگن احتیاج بو مملکت اهالی سی اوچون بیر قالین وگیلم اوچون کیره ک بولیشی ایمس، بلکه کورپه، توشک ویستیق اوچون هم یونگ کیره ک بوله دی.

بوفابریکه قوریلیب فعالیت باشله شی بیلن خارجگه بولگن احتیاج نینگ کته قسمی هم برطرف ایتیله یاتگنی تیل گه آلینه دی.

اوشبو فابریکه مسووللری اگر دولت تمانیدن یاردم بیریلسه 30000کیشی گه قدرایش اورین لری یره تیلیشی نی ایته دیلر.

بوفابریگه مسووللریگه کوره یونگ نی ساتیب آلیب ایپ قیلیب ساتیش لریدن تشقری یونگی بارکیشی لرنی هم یونگ لرنی یوویب بیره دیلر.