افغان خوفسيزليك رسميلري: كران و منجان طالبان تصرفيدن تازه لندي

افغانستان ايچكي ايشلروزيرليگي، بدخشان ولایتی نینگ كران و منجان تومنی ملي اردو كوچلري نينگ حمايوي عملياتي نتيجه سيده طالبان نظارتيدن قيته ريب آْليندي دييدي.

افغانستان ايچكي ايشلروزيرليگي مطبوعات خذمتي بير اعلاميه نشر ايتيب، عمليات بوگون موفقيت بيلن عملگه آشيريلگني ني ايتدي.

بو وزيرليك اوزي نينگ بو اعلاميه سيده" عمليات ملي پوليس مخصوص كوچلري، عاموي انتظام پوليسي و چيگره كوچلري تمانيدن يولگه قوييليب، ملي اردو حمايه سي آستيده بجريلدي" دييلگن.

اوتگن كون خوفسيزليك منبع لر بي بي سي گه، پوليس كوچلري كران ومنجاندن تاكتيكي روشده آرقه گه چيكينگني ني تصديقله گن ايدي.

بوندن آلدين بدخشان نينگ وردوج تومني باربار قوراللي طالبان تمانيدن هجوم گه آلينگن، بو مسله مجلسده گي نماينده لرنينگ تنقيديگه هم سبب بولدي.

بدخشان شمالشرق ده گي تاغلي ولايت سنه له دي.

اوتگن كون هم بدخشان ولايتي اهاليسي نينگ اولوسي جرگه ده گي نماينده لري كران منجان قوراللي طالبان نظارتيگه اوتگني باره سيده خوفسيزليك مسووللرني ملكه سيزليكده عيبلشدي.

كران منجان تاغلي حدود بوليب، پنجشير و نورستان ولايتلري بيلن چيگره داش. طالبان گروهي نينگ مذكور منطقه ده فعاليتي دوام ايتگن تقديرده، بدخشان و پنجشير خوفسيزليگي ني برهم اوريشي ممكن.