افغانستان جنوبيده ناتو نينگ تورت عسكري قربان بولدي

افغانستان خوفسيزليك مسووللري، مذكور عسكرلر بوگون جنگريلر تمانيدن اولديريلگني ني معلوم قيليشگن.

ناتو كوچلري تمانيدن نشر ايتيلگن بياناتده، اوشبو تورت عسكر مملكت جنوبيده عملگه آشيريلگن بير قوشمه عملياتده اولديريلگني قيد ايتيلگن.

بياناتده، خبر باره سيده تصيلات بيريلمه گن.

بوندن ايكي هفته آلدين، خارجي كوچلر ناتو نينگ اوچ عسكري اوزطرفلريدن جانلريگه قصد قيليب نابود ايتيلگني دن خبر بيرگن ايدي.

آيساف گه كوره، مذكور اوچ حربي مملكت شرقيده افغان كوچلري نينگ كييمي ني كييگن بيرشخص اولرگه قرشي اوق اوزگن بيرچاغده قربان بولگن.

2007 ييلدن بويان ناتو نينگ 100 دن آرتيق عسكري اوز جانيگه قصد قيليب قربان بولگن.

ناتو كوچلري حاضرگي كونده، افغان كوچلري گه خوفسيزليك مسووليتلرني تاپشيريش ايشلري بيلن بند.

اون ايكي ييلدن بيري افغانستانگه كيليب جايلشگن خلق ارا كوچلر، ميلادي 2014 ييل نينگ اداغيده اوشبو مملكت ني ترك ايتيشي ممكن.

ناتو عسكرلريگه قرشي اوق اوزيش هجوملرنينگ اينگ ينگي حالتي، جمهور رييسليك و ولايت كينگش سيلاولري نامزدلري اوچون بيلگيلنگن وقت اوز نهايه ييته ياتگن بيرچاغده، عملگه آشيريلماقده.