ننگرهار ولایتیده یوزبیرگن انتحاری هجومده اوچ کیشی قربان بولگن

ننگرهار ولایتی نینگ پلیس مرکزی بناسی مقابلیده یوزبیرگن انتحاری هجومده محلی رسمیلرگه کوره، ایکی پلیس و بیر تیچ فقرا قربان بولگن همده یتتی پلیس هم یره لنگنی تصدیق لنگن. مذکور حادثه محلی وقت بیلن ساعت سککیز اطرافیده روی بیرگن.

آلدین راق محلی مقاملر اوشبو پارتلشده ایکی پلیس وسککیز تینچ اهالی یره لنگنینی ایتگن ایدی.

شونینگ دیک حادثه یوزبیرگن محل اطرافیده جایلگن ایریم بنالرهم قسما خساره کورگنی ایتیلماقده.

طالبان سوزچیلریدن بیری، مطبوعات فعاللری بیلن علاقه قوریب حادثه طالبان تمانیدن اویوشتیریلگنینی ایتگن.

ننگرهار افغانستان نینگ ناتینچ ولایت لریدن بیری بولیب بو ولایت نینگ ایریم منطقه لریده قوراللی طالبان فعال بولگنی ایتیله دی.

بوندن آلدینلر هم ننگرها مرکزی جلال اباد، شوندی انتحاری هجوملر و پارتلش لرگه شاهد بولگن ایدی.