سیلاولر کمیسوینی: تعطیل کونلری هم ایش قیلیشگه قرار آلدیک

قربان بیرمی اوچون افغانستان نینگ برچه اداره لری تعطیل، بیراق مستقل سیلاولر کمیسیونی نامزدلرگه عاید حجتلرنی تیشکریش مقصدی بیلن تعطیل کونلریده هم ایش قیلیشیگه قرار قبول قیلگن.

کیله جک جمهوررییسلیک سیلاولری اوچون نامزدلرنی رویخط گه آلیش دستوری نینگ سونگی کونلریده کوپچلیک اوزلرینی نامزد ایتیب نامزدلر سانی هم 27 کیشی گه یتیشدی، شوباعث مستقل سیلاولر کمیسیونی برچه نامزدلر حجتلرینی کوریب چقیش مقصدی بیلن عمومی تعطیل کونلریده هم ایشله شینی اعلام قیلگن.

مستقل سیلاولر کیمسیون سوزچیسی نور محمد نور نامزدلرگه عاید حجتلرنینگ یللیک فایز کوریب چیقیلگنینی ایتیب، بیرینچی رویخط تعین ایتیلگن زمانیگه نشر ایتیلیشینی تیلگه آلدی:"بیله سیز سیلاولر جریانیگه ماس حرکت قیلیشی میز لازم بو جریان ارتگه چیکیلمیدی شو اوچون بیز ایککی کون بیرمنی عمومی تعطیل اعلان قیلدیک باشقه کونلر نامزدلر حجتلرینی تیکشریش بولیمیده ایش الیب باره یاتگن ایشچیلریمیز اوز ایشلریگه دوام ایتیره دیلر. مستقل سیلاولر کمیسیونی سیلاولر تقویمی نی جدی بیرشلکده نظرده توته دی .نامزد لرنینگ بیرینچی رویخطی تعین ایتلگن وقتیده نشر ایتیله دی."

مستقل سیلاولر کمیسیونیگه کوره نامزدلرنی دستلبکی رویخطی بیش کوندن سونگ ونهای روی خط ایسه عقرب آی نینگ 25- سیده اعلان ایتیلیشی ریجه لنگن.

باشقه تماندن نامزدلر سانینی قسقرتیریش اوچون سابق جهادی رهبرلردن صبغت الله مجددی رهبرلیگی بیلن بیر کمیسیون ایجاد ایتیلگن.اوشبو کمسیون نینگ بیرینچی یغینیده ایریم نامزدلر باشقه بیر نامزد منفعیتی گه اوتیشگه راضی لیک بیلدیرگنی ایتیلماقده.

عینی حالده بو کمبسیون مسووللریگه کوره، نامزدلر ایریم خلق وکیللری؛ جهادی رهبرلر و سیاسی شخصیت لر اشتراکی بیلن ایککی هفته دن سونگ کابلده بیریغین اوتکزیلیشیگه قرار آلینگن.

مذکور یغینده نامزدلر سانینی قیسقرتیریش مسله سی محاکمه اتیله دی.کمیسیون اورین باسرلریدن اسدالله وفا بی بی سی بیلن بولگن صحبتیده نامزدلر سانینی 26 کیشیدن بیش ویا تورت کیشی گه قسقرتیریشگه امید بیلدیرگن ایدی.