لوگرحاکمی ارسلاجمال مسجد ده ترور ایتیلدی

محلی مقاملرگه کوره، لوگرولایت حاکمی ارسلا جمال مسجده میکروفن ده جایلشتیریلگن پارتلاوچی ماده پارتله گنی سبب هلاک بولگن. حادثه قربان نمازی اوقیلگنیدن سونگ یوزبیرگنی ایتیلماقده.

ولایت حاکمی سوزچیسی دین محمد درویش نینگ بی بی سی گه ایتیشیچه ، ارسلا جمال لوگر مرکزی پل علم شهریده گی عمومی مسجده سوزگه چیققن بیر پیت پارتلش یوزبیرگن. مذکور حادثه محلی وقت بیلن ساعت سکیز یریم اطرافیده روی بیرگن.

شونینگ دیک محلی مقاملر اوشبو حادثه ده 15 تینچ فقرا یره لنگنینی معلوم قیلگن.

ارسلا جمال 1344 قویاش ییلی پکتیا ولاتیده دنیاگه کیلگن، او کابل وپشاورده دین بویچه تعلیم آلیب مالیزیا نینگ کوالالامپور شهریده اقتصاد بولمیده تحصیل آلگن. جمال جنابلری امریکا نینگ نبراسکا بیلیم یورتیده ایش آلیب بارگن همده، افغانستان مرکزی بانک اورین باسری صفتیده هم وظیفه بجرگن.

همده او (care ) اعتبار ناملی خلق ارا تشکیلاتی ده هم فعالیت قیلگن شونینگ دیک قیشلاق لرنی رواجلنتیریش وزیرلیک مصلحت چیسی صفتیده هم ایش آلیب بارگن.

جمال جنابلری نیچه ییل خوست حاکمی صفتیده ایشله گن، اوتگن دور ریاست جمهورلیک سیلاوده حامدکرزی نینگ سیلاو کمپاینی مسووللریدن بیری ایدی.

2010 ییلده ارسلا جمال چیگره و قبیله لر وزیرلیگیگه نامزد صفتیده جمهوررییس کرزی تمانیدن تانشتیریلدی ، اما اولوسی جرگه نینگ ایشانچ آوازینی قولگه کیرتیشگه موفق بولمه دی. او نیچه آی آلدین لوگر ولایت حاکمی صفتیده تعین ایتیلگن ایدی.

حاضرگه قدرهم حادثه مسوولیتینی هیچ بیر گروه یا شخص اوز بوینیگه آلمه گن.