افغان رسميلري: كنرده طالبان نينگ اينگ مهم قومانداني اولديريلدي

اوته پور، مانوگي، چپه دره و چوكي منطقه لريده فعاليت قيله ياتگن جنگريلرني حاجي دوران باشچيليك قيله دي

افغانستان شرقيده گي كنر ولايتي رسميلري، طالبان نينگ بير مشهور قومانداني امريكا نينگ اوچووچيسيز اوچقوچي نينگ هجومي عاقبتيده نابود قيلينگني ني ايتيشگن.

مانوگي تومني قومانداني گل مرجان نينگ بي بي سيگه ايتيشيچه، حاجي دوران بوگون ساعت 9 ده نشانگه آلينيب اولديريلگن.

مانوگي قومانداني، بو هجومده طالبان مذكور قومانداني نينگ ايناغه سي و ايكي يولداشي هلاك بولگني ني ايتگن.

اوتگن اوچ كون ايچيده بيشينچي بار دير كه چيگره كنر ده گي جنگريلرگه قرشي هوا دن هجوم اويوشتيريلماقده.

محلي مسووللرگه كوره، حاجي دوران نينگ نابود ايتيلگني، نابرقرار كنر و نورستان ولايتلري نينگ خوفسيزليك وضعيتي يخشي لنيشيگه كومك قيله دي.

مانوگي قومانداني شونينگ ديك، طالبان نينگ بو قومانداني سلفي گروه گه اعضا بوليب، مذكور ايكي ولايتده نفوذلي قوماندان ايكني ني ايتگن.

كنرنينگ اوته پور، مانوگي، چپه دره و چوكي همده نورستان بيرقطار منطقه لري، حاجي دوران نينگ اينگ اساسي فعاليت مركزلريدن ايكني ايتيله دي.

بي بي سي نينگ كنرده گي دركچيسي نعمت الله كرياب نينگ ايتيشيچه، حاجي دوران طالبان نينگ كنرده گي اينگ مهم قوماندانلريدن ايدي.

دوران قوماندان، افغانستان گه امريكا كوچلري كيريب كيليشي بيلن دولت قوراللي مخالفلرصفيگه قوشيليب، قوراللي فعاليتلريني باشله دي.

ايتيليشيچه، بيريتانياليك ياردم بيرووچيلرني اوغيرلشده اونينگ قولي بوليب، اونينگ نظارتيده گي آدملر ياردم بيرووچيلرني گيراوگه آلگن ايدي.

خانم نورگروو بيريتانيا كوچلري تمانيدن اونينگ قوتقه زيش اوچون اوتكزيلگن عمليات جريانيده، گيراوگيرلرتمانيدن اولديريلدي.