نیمروز ولایتی نینگ سابق پلیس قوماندانی 10 ییل قماق جزاسیگه محکوم بولدی

Image caption انداربی جناب لری دوسیه سی بوکون بیر علنی محکمه ده فیصله بولگنی نی معلوم قیلینماقده.

مخدره ماده لر قاچاقی گه قولی بارلیک عیب لاوی بیلن جاری ییل اسد آیی ده توتقین گه آلینگن نیمروزولایتی سابق پولیس باشلیغی محمد کبیر انداربی مخدره ماده لرگه قرشی مخصوص محکمه تماندن اون ییل قماق جزاسیگه حکم ایتیلگن. انداربی جناب لری دوسیه سی بوکون بیر علنی محکمه ده فیصله بولگنی نی معلوم قیلینماقده. افغانستان مخدره ماده لرگه قرشی عدلی وقضایی اداره سوزچی سی احمد خالد موعد نیمروز ولایتی سابق پولیس باشلیغی گه قوییلگن عیب لر نیمه لردن عبارت بولگنی نی بی بی سی بیلن بولگن صحبتیده معلوم قیلدی. "او مخدره ماده لر قاچاقی گه عیبدارتانیلگنی دن علاوه ایککی اوچه مرته پولیس عملیات لری عاقبتیده قول گه آلینگن مخدره ماده لرنی دیپودن چیقاریب قاچاقچی لرگه ساتکن . بو نگه قوشیمچه بیرنیچه قاچاقچی دن پول وپاره الیب اولرنی محبس دن قوییب یوبارگن، عموما آلگن ده بو شخص کوپ لب مراتبه وظیفوی صلاحیتی دن سو استفاده قیلگن" دییدی موعد جنابلری. مخدره ماده لرگه قرشی کورش عدلی و قضایی اداره سوزچی سی اندرابی جناب لری گه نسبتا اعلان ایتلگن بو حکم یکونی قرار ایمس لیگی نی ایتیب بو حکم ایکینچی و اوچینچی محکمه تامانیدن تصدیق لنگن دن کیین عملی بولیشی نی تیل گه آلدی. اونگه کوره مخدره ماده لرگه قرشی کورش عالی محکمه سی اوتکن التی ای جریانیده مخدره ماده لرقاچاقی عیب لوی بیلن التی یوقاری مرتبه لی پولیس ملازملری نی محکمه قیلیب اوزاق و قیسقه مدت ازاد لیگ دن محروم ایتکن. موعد جنابلری عین دمده بو محکمه ده باشقه 9 پولیس ملازملری نینگ دوسیه سی هم عین جرم لر بیلن ییتیب بارگنی دن خبربیریب کیلگوسی بیر ای گه قدر اولرگه قرشی محکمه حکمی اعلان ایتلتیشی نی معلوم قیلدی. افغانستان دنیا ده اینگ کوپ مخدره ماده ایکیب وایشلب چیقاره دیگن مملکت حسابلنه دی بوماده نینگ یوقاتیش اوچون دینا مملکت لری یاردمی بیلن افغانستان حکومتی تاماندن نیچه ییلدن بیری سعی وحرکت یولگه قوییلیب کیلماقده. اما شونگه قره مسدن هلی هم بو ماده کوپ مقدارده ایکیلیب کیین خارجی مملکت لرگه قاچاق ایتیله دی. بوماده نینگ ایکیلیشی وسودا ساتیغی گه کوپراق حکومت قوراللی گروه لرنی عیب لب کیلماقده بوندن تشقری بیر قطار دولت گه علاقه دارکیشی لرهم قولی بارلیگی ایتیله دی. آلدین لرگچه حکومت نینگ آدم لری کیم لیگی وقیسی لوازمده بولیش لری فاش ایتیلمه گن ایدی. اخیرگی وقت لرده پولیس قوماندانی مقیاسیده بولگن کیشی قولگه آلینیشی اوتمیشده بولگن عیبلاولرنی اثباتلماقده.