سیوگی علاقه لری سبب بیر یاش قیز وبیریاش ییگیت نینگ باش لری کیسیلگن

مملکت جنوبیده جایلشگن هلمند ولایتی نینگ محلی رسمی لری بیر یاش قیز وییگیت آره لریده سیوگی علاقه سی بارلیگی سبب باشی تنیدن جدا بولگنی نی تصدیقله گن لر.

هلمند پلیس رسمی لری دن محمد اسماعیل هوتک بی بی سیگه بوکیشی لر جسد لری هلمند ولایتی مرکزی بولان منطقه سیده گی قبرستان دن تاپیلگننی معلوم قیلگن.

اونگه کوره دستلبکی تیکشیروولراساسیده ایرکک ییگیت قیز بیلن توی قیلیش نی سوز بیریب اویدن قاچیریب اوزبیر مدت اوییده سقله گن.

بوپلیس اولدیریلگن ییگیت نینگ برادرلریدن نقل قیلیب ایتیشیچه قیزنینگ آلیب قاچیلگنیدن ایکی کون اوتگچ ییگیت نینگ اوییگه 10قوراللی کیشی کیلیب ایکاوینی بیرگه آلیب چیقیب کیتیگن لر.

هوتک جنابلری سه شنبه کونی محل اهالی سی قبرستانده باشی کیسیلگن ایکی جسد کیلتیریب تشلنگنیدن خبربیرگن لرینی معلوم قیلگن.

ایتیلیشیچه ییگیت وقیز20 یاشده بولیشی ممکن.

قیزوایرکک آره سیده اونشمسدن آلدین علاقه بولیشی افغانستانده اجتماع واسلامی سنت لرگه قرشی مساله حسابلنه دی.

وایریم حاللرده قیزنینگ عایله اعضالری قیز وییگیت نی اولدیریش گه حرکت قیله دیلر

ناموسی قتللر

جاری ییل نینگ جون آییده افغانستان سیلاولرمستقل کمیسیونی اوتگن ایکی ییلده بودفترده 400 ناموسی قتل وجنسی زورلش حاللری قید ایتیگنی معلوم قیلگن ایدی.

بو کمیسیون نینگ عیاللربوییچه باشلیغی ثریا صبح رنگ گه کوره بوتون مملکتده بو کمیسیونده اوتگن ایکی ییلده 240 ناموسی قتل و160جنسی زورلش حاللری رویخطدن اوتگن.

شونینگ دیک خانم صبح رنگ بو رقم بوتون یوزبیرگن واقعه لربولمه گنی نی ایتیب بلکی کوپلب حاللرده ناموسی قتللر عایله لرتاماندن آشکار ایتیلمسلیگی نی تیل گه آلدی.

اوتکزیلگن بو تیکشیروو لردن معلوم بولیشیچه بو واقعه لرعیاللراوزگه ایرکک لر بیلن علاقه قوریشی، اویدن قاچیشی، جبردن تورموشگه چیقاریش نی قبول قیلمسلیک لری، وقیزتاماندن اونه شیش طلبی گه قیزیقیش لر کورسه تیلگنی سبب یوزبیرگن.

بو گزارشده ناموسی قتللرنینگ سبب لری دن 43فایزی انیق لنمه گن و57فایزی گه قیز وایرکک لرنینگ عایله لری سبب بولگن .

کمیسیون گه کوره ناموسی قتللر وجنسی زورلش حاللری نینگ 15فایزی گه پلیس خادم لری سبب بولگن.