هرات ده ماین پارتلش عاقبتیده ملی اردوکوچلریدن 6 کیشی هلاک بولدی

هرات رسمیلرگه کوره، اوشبو ولایت نینگ ادرسکن اولسواللیگیده یول چیککه سیگه جایلشتیریلگن ماین پارتلش نتیجه سیده ملی اردوی کوچلری نینگ ایککی ضابطی و تورت عسکری هلاک بولگن.

ادرسکن تومن حاکمی لعل محمد عمرزی حادثه رود گز قیشلاغیده یوزبیرگنینی ایتیب ایککی ضابط هم اوشبو پارتلشده قربان بولگنینی تصدیق له گن.

حاکم نینگ ایتیشیچه ملی اردو کوچلری گیزمه قیلیش مقصدی بیلن یولده چیققن پیتی بو حادثه بیلن دوچ کیلگن لر.

طالبان سوزچی لریدن بولگن قاری یوسف احمدی حادثه مسولیتی نی اوز بوینیگه الگن.

هرات شهریدن قریب 80 کیلومتر جنوب تمان و شیندند تومنی قوشنی لیگی ده جایلشکن ادرسکن اولسواللیگیده طالبان قوراللی لری انچه فعال بولگنی ایتیله دی.