نامزد لررویخطیدن چیقاریلگن شخصلر: گروهی شکلده اعتراض بیلدیره میز

Image caption مستقل سیلاولر کمیسیونی صلاحیتی رد ایتیلگن هربیرنامزد مراجعه قیلگنده جواب بیریشگه تیار ایکنینی اورغوله گن.

کیله جک جمهوررییس لیک اوچون صلاحیت لری رد ایتیلگن ایریم نامزدلر،نیچه کون دن سونگ گروهی شکلده شکایت لرنی تیکشروچی کمیسیونیگه اعتراض بیلدیریشلری بیلن آگاه لنتیرگن.

اولرگه کوره، مستقل سیلاولر کمیسیونی حاضرگه قدرهم اولرنینگ نامزد لر رویخطدن آلیب تشله نیشیگه اساسی دلیل نیمه بولگنی باره سیده آچیقچه معلومات بیرمه گن.

اما مستقل سیلاولر کمیسیونی صلاحیتی رد ایتیلگن هربیرنامزد مراجعه قیلگنده جواب بیریشگه تیار ایکنینی اورغوله گن.

کیله جک جمهوررییسلیک سیلاولریده27 کیشی اوزلرینی نامزد ایتگن ایدیلر، اما مستقل سیلاولر کمیسیونی 17 کیشی اسملرینی نامزد لر رویخطدن آلیب تشله دی.

ریاست جمهورلیک سیلاو نامزدلرینی بیرینچی رویخطی نینگ اعلان ایتیلیشدن قریب اون کون اوتماقده، اما نامزد ایتگن شخصلرنینگ ایریم لری قندی دلیللر اساسیده صلاحیت لری رد ایتیلگنی معلوم ایمسلیگیدن شکایت قیلماقده لر. اولردن بیری داود سلطان زوی او ایسه قانونگه ماس آتلری رویخط دن چیقاریلگن شخصلرگه بیرمه بیر کیمسیون نینگ حساب بیریشی لازم لیگینی تیلگه تاکیدله دی:"هر بیر نامزدگه اچیق دلیل و اثبات لربیلن ایتیلیشی کیره ک. بو کمیسیون قینچلیگی می یاکی تخینکی معما دن کیلیب چیققن می؟ ورقده ییتکیزیلگن یا سی دی ده کوچیریلگن چیپته لر موجود سی دی ده مشکل بولیشی ممکن. بیز شکایت قیلگن میز. شکایت قیلیش زمانی نهایه تاپگن، لیکن اعتراض بیلدیریشگه وقت بار بیز گروهی شکلده اعتراضی میزنی بیلدیره میز."

مستقل سیلاولر کیمسیونی ایکی کیشی ایکی وطنداشلیک و باشقه قالگن شخص لرتخنیکی قینچلیکلر باعث رویخطدن چیقاریلگنینی ایته دی.

کمیسیون مسووللریگه کوره، کوپینچه آواز کارت لریدن نیچه نامزد فایده لنگن.بیراق قیسی نامزد قندی معما باعث رویخطدن چیقاریلگنی باره سیده معلومات یوق.

مستقل سیلاولر کمیسیون سوزچیسی نور محمد نور مراجعه قیلگن هربیرنامزد گه کمیسیون تمانیدن آچیق جواب بیریلیشینی تاکیدله دی:" مستقل سیلاولر کمیسیونی دلیللرنی مطبوعات ارقه لی اعلان قیلدی، اگر ناملری چیقاریلگن نامزد لر اچیق دلیل طلب قیلسه بیز یازمه شکلده دلیللری میزنی ایتیب بیرهه میز بیرنیچه نامزدگه هم بیز اوز دلیللری میزنی ایتدیک."

باشقه تماندن مستقل سیلاولر کمیسیونی حاضرگه قدر شکایت لر تیکشریلیب کیله یاتگنینی اورغولب، نامزدلر سانی کوپ یا آزه لیشی ممکن لیگینی ایتماقده. چونکی نامزدلرنی نهای رویخطی عقرب آی نینگ ییگرمه بیشینچیسیده اعلان ایتیلیشی کوتیله دی. شونینگ دیک افغانستان اساسی قانونیگه ماس شکایت لرنی تیکشروچی کمیسیون قراری نهای قرار بولیب اوزگرمسلیگی قیدایتیلگن.