جوزجان خوفسيزليك مسووللري: بيش قيشلاق طالبان نظارتي دن تازلندي

جوزجان ولایت خوفسيزليك کوچلریگه کوره، بو ولایت ده طالبان نینگ ایککی حربی مرکزی شامل 5 قيشلاق اولرنينگ نظارتي دن تازه لنگن.

اهالی آلدین دن ریجه لنمه گن عملیات اساسیده مذکور منطقه لرنی امنیتی کوچلر تمانیدن اوره ب آلینگنلیگی، ینه ده اوشبو منطقه لر قیته دن طالبان قولیگه توشیشی ممکنلیگی نی ایتماقده لر.

جوزجان امنیه قوماندانی فقیر محمد جوزجانی، مذکور منطقه لر جمله دن طالبان نینگ حربی مرکزی بولگن فیض آباد اولسواللیگی ده گی شاه سلیم قيشلاغی، خانقا همده قوش تيپه اولسواللیگی ده گی ترکمن اولدی قيشلاقلري، طالبان ایسه مذکور منطقه لردن قوراللی طالب لر قوش تيپه اولسواللیگی مرکزیگه خوفسیزلیگ قيینچیلیگی یره تیب کیلگن لر.

جوزجانیگه نينگ ايتيشيچه، مذکور منطقه لر بوگون ایرته لب ملی پولیس و ملی اردو كوچلري تمانیدن یولگه قویيلگن قوشمه حربی عملیات جریانیده تازه لنگن.

او شونینگ دیک، طالبان قوش تيپه اولسواللیگی نینگ ایريم حدودلریدن قاچیب چیقگنلیکلرینی معلوم قیلیب، طالبان تمانیدن معارف رییسی تعین بولگن جان محمد نینگ ایناغه سی هم اوشلنگن.

جوزجانی جنابلری نینگ معلوم قیلیشیچه، طالبان خوفسيزليك کوچلري بیلن اوریشیشگه قادر بولمه ی، سرپل و فاریاب تاغلریگه قاچیب کیتگنلیک لرینی اورغولب، منطقه طالبان نظارتي دن تازله لنگونگه قدر|، عملیات دوام تاپیشیدن خبر بیرماقده.

منطقه اهالی سی ایسه، خوفسيزليك کوچلری تمانیدن تازه لنگن منطقه لر ینه طالبان قولیگه توشگنلیگی نی معلوم قیلماقده لر.

لیکن امنیتی کوچلر اوشبو ادعالرنی رد ايتيب، عملیاتدن کیین منطقه لرنی قیته سقلش خصوصيده قرارآلیشلری نی معلوم قیله دی.

معلوماتلرگه کوره، طالبان گروهی جوزجان ولایتی نینگ ایريم چیککه حدودلریده گی اهالی دن عشر و ذکات آلیب اولرنی اذیت قیلماقده لر.

طالبان ایسه حاضرگه قدر اوشبو خصوصده هیچ قنده ی معلومات بیرمه گن، لیکن بوندن آلدین طالبان سوزلاوچیسی ذبیح الله مجاهد، ییلیگه بیر بار اوزلری تمانیدن کنترول بوله یاتگن منطقه لر اهالی سی دن عشر و ذکات آله یاتگن لیک لری نی معلوم قیلگندی.

بوندن ايكي کون آلدین طالبان تمانیدن آقچه اولسوالی صفتيده تعيينلگن قاری جاوید آیساف کوچلری تمانیدن یولگه قویيلگن حربی عملیات نتیجه سیده 3 همکاری بیلن بیرگه اوشلنگن ایدی.